Жанубий Кореянинг Сеул яқинидаги Соннам шаҳрида номаълум йигит машинани оломон устига ҳайдади. Машинаси ҳаракатланмагач, универмагга кириб, одамларни пичоқлади. Бу ҳақда Yonhap хабар берди.
Ҳужум оқибатида 13 киши жабрланган. Жумладан, камида тўққиз киши пичоқланган, яна тўрт киши машина уриши оқибатида жароҳат олган. Полиция номаълум шахс одамларни пичоқлагани ҳақидаги хабарлардан сўнг 20 ёшли гумондорни қўлга олган. Жабрланганларнинг аҳволи ҳозирча номаълум.
Гувоҳларнинг сўзларига кўра, гумонланувчи қора кийим ва кўзойнакда бўлган. У узунлиги тахминан 50-60 сантиметр бўлган пичоқ кўтариб юрган. Йигит машинаси ҳаракатланмагач, универмагга кирган.
Баъзи гувоҳлар бир нечта жиноятчи борлигини даъво қилса-да, полиция йигитнинг ҳеч қандай шериги йўқлигини айтган. Йигит нима учун бундай қилгани ҳақида сукут сақламоқда.
Изоҳ (0)