Pokiston shimoli-g‘arbidagi Xayber-Paxtunxva viloyatidagi shifoxonalarda 30-iyul, yakshanba kuni sodir etilgan portlashda og‘ir yaralangan yana yetti kishi vafot etdi. Terakt qurbonlarining umumiy soni 63 nafarga yetdi.
The Express Tribune gazetasi xabar berishicha, Afg‘oniston bilan chegaradagi Bajaur viloyatida sodir etilgan teraktda jabrlanganlarning 123 nafari viloyat tibbiyot muassasalarida davolanmoqda.
Pokiston Federal qidiruv byurosiga ko‘ra, hukmron koalitsiya tarkibiga kiruvchi “Islom ulamolari kengashi” partiyasi qurultoyida sodir etilgan teraktda 10 kilogramm trotil ishlatilgan.
Portlash 400 nafar partiya faoli tadbir o‘tkazayotgan zalda sodir bo‘lgan. Voqea joyida 40 dan ortiq odam halok bo‘ldi, ular orasida partiya bosh kotibi Xar Ziaulla ham bor.
Pokiston bosh vaziri Shahboz Sharif aybdorlarni topish uchun zudlik bilan tergov boshlashni buyurgan.
Izoh (0)