“Yuksalish” umummilliy harakati O‘zbekistonda mavjud tuman va shaharlar boshqaruvidagi kadrlar salohiyatiga doir tadqiqotni eʼlon qildi.
Tadqiqotda aytilishicha, mahalliy hokimliklarning mustaqil qaror qabul qilish darajasi oshgan.
“Masalan, 33 ta vakolat va funksiyalar Markaziy boshqaruv organlaridan mahalliy davlat hokimiyati organlariga o‘tkazildi.
Davlat miqyosidagi qarorlar qabul qilishda mahalliy hokimliklarning ishtirokini taʼminlash qonuniy asoslar bilan mustahkamlandi. Tuman va shahar hokimliklari faoliyatini eng muhim samaradorlik ko‘rsatkichlari asosida baholash tizimi joriy etildi. Mahalliy budjetlarning ixtiyorida qolayotgan mablag‘lar miqdori so‘nggi yetti yilda 27 baravarga oshib, 10,1 trillion so‘mga yetdi.
Tuman va shaharlar qiyofasini o‘zgartirish, iqtisodiy rivojlantirish, kambag‘allikni qisqartirish, mahalliy infratuzilmalarni yaxshilash kabi masalalar ko‘p jihatdan mahalliy boshqaruvga, ayniqsa, hokimlarning bilim va mahorati, ularning dunyoqarashiga bog‘liq bo‘lmoqda”, — deyiladi “Yuksalish” umummilliy harakati tadqiqotida.
Tuman va shahar hokimlarining tayinlovga qadar asosiy faoliyat sohasi:
- Mahalliy boshqaruv organlarida – 96 nafar;
- Respublika boshqaruv organlarida – 35 nafar;
- Bank sohasida – 19 nafar;
- Prokuratura organlarida – 18 nafar;
- Ichki ishlar organlarida – 8 nafar;
- Davlat korxonalari boshqaruvida – 7 nafar;
- Tadbirkorlikda – 4 nafar;
- Deputatlikda – 4 nafar;
- Soliq sohasida – 4 nafar;
- Favqulodda vaziyatlar tizimlarida – 2 nafar.
*11 ta tuman va shahar hokimi lavozimi bo‘sh
Mutaxassisligiga ko‘ra:
- iqtisodchi – 25 foiz;
- huquqshunos – 13 foiz;
- muhandis – 10 foiz;
- qishloq xo‘jaligi – 8 foiz;
- moliyachi – 7 foiz;
- quruvchi – 5 foiz;
- pedagog – 5 foiz.
Hokimlarning o‘rtacha yoshi – 46.
Tuman va shahar hokimlarining yoshi:
eng yosh hokimlar Toshkent viloyatida – o‘rtacha 40 yosh;
eng yosh hokim Narpay tumanida – 32 yosh;
eng yoshi katta hokimlar Jizzax viloyatida – o‘rtacha 51 yosh;
eng yoshi katta hokim Kogon tumanida – 71 yosh.
*Ayol hokimlar jami hokimlarning 2 foizini tashkil qilmoqda – Kattaqo‘rg‘on shahri, Boyovut, Bo‘ston va Olot tumanlarida.
Izoh (0)