“Юксалиш” умуммиллий ҳаракати Ўзбекистонда мавжуд туман ва шаҳарлар бошқарувидаги кадрлар салоҳиятига доир тадқиқотни эълон қилди.
Тадқиқотда айтилишича, маҳаллий ҳокимликларнинг мустақил қарор қабул қилиш даражаси ошган.
“Масалан, 33 та ваколат ва функциялар Марказий бошқарув органларидан маҳаллий давлат ҳокимияти органларига ўтказилди.
Давлат миқёсидаги қарорлар қабул қилишда маҳаллий ҳокимликларнинг иштирокини таъминлаш қонуний асослар билан мустаҳкамланди. Туман ва шаҳар ҳокимликлари фаолиятини энг муҳим самарадорлик кўрсаткичлари асосида баҳолаш тизими жорий этилди. Маҳаллий бюджетларнинг ихтиёрида қолаётган маблағлар миқдори сўнгги етти йилда 27 бараварга ошиб, 10,1 триллион сўмга етди.
Туман ва шаҳарлар қиёфасини ўзгартириш, иқтисодий ривожлантириш, камбағалликни қисқартириш, маҳаллий инфратузилмаларни яхшилаш каби масалалар кўп жиҳатдан маҳаллий бошқарувга, айниқса, ҳокимларнинг билим ва маҳорати, уларнинг дунёқарашига боғлиқ бўлмоқда”, — дейилади “Юксалиш” умуммиллий ҳаракати тадқиқотида.
Туман ва шаҳар ҳокимларининг тайинловга қадар асосий фаолият соҳаси:
- Маҳаллий бошқарув органларида – 96 нафар;
- Республика бошқарув органларида – 35 нафар;
- Банк соҳасида – 19 нафар;
- Прокуратура органларида – 18 нафар;
- Ички ишлар органларида – 8 нафар;
- Давлат корхоналари бошқарувида – 7 нафар;
- Тадбиркорликда – 4 нафар;
- Депутатликда – 4 нафар;
- Солиқ соҳасида – 4 нафар;
- Фавқулодда вазиятлар тизимларида – 2 нафар.
*11 та туман ва шаҳар ҳокими лавозими бўш
Мутахассислигига кўра:
- иқтисодчи – 25 фоиз;
- ҳуқуқшунос – 13 фоиз;
- муҳандис – 10 фоиз;
- қишлоқ хўжалиги – 8 фоиз;
- молиячи – 7 фоиз;
- қурувчи – 5 фоиз;
- педагог – 5 фоиз.
Ҳокимларнинг ўртача ёши – 46.
Туман ва шаҳар ҳокимларининг ёши:
энг ёш ҳокимлар Тошкент вилоятида – ўртача 40 ёш;
энг ёш ҳоким Нарпай туманида – 32 ёш;
энг ёши катта ҳокимлар Жиззах вилоятида – ўртача 51 ёш;
энг ёши катта ҳоким Когон туманида – 71 ёш.
*Аёл ҳокимлар жами ҳокимларнинг 2 фоизини ташкил қилмоқда – Каттақўрғон шаҳри, Боёвут, Бўстон ва Олот туманларида.
Изоҳ (0)