Hindistonning G‘arbiy Bengaliya shtatida yosh oila iPhone 14 olish uchun chaqalog‘ini sotdi. Bu haqda politsiyaga tayanib, The Indian Express xabar bermoqda.
Onaning so‘zlariga ko‘ra, ular sakkiz oylik o‘g‘lini sotishdan tushgan pulni sayohat qilish va so‘nggi rusumdagi iPhone bilan Instagram uchun kontent yaratishga ishlatmoqchi bo‘lgan. Keyinchalik ma’lum bo‘lishicha, er-xotin yetti yoshli qizini ham sotishni rejalashtirgan.
Chaqaloq anchadan beri ko‘rinmay qolgani, er-xotinda esa kutilmaganda yangi smartfon paydo bo‘lganidan keyin qo‘shnilar mahalliy huquq-tartibot idoralariga xabar bergan. Bolaning onasi va xaridori hibsga olingan, otasi bo‘lsa hozirda politsiyadan qochib yuribdi.
Jahon banki ma’lumotlariga ko‘ra, G‘arbiy Bengaliyada qashshoqlik darajasi yuqori bo‘lgan ko‘plab hududlar mavjud. 2022-yil uchun PRS Legislative Research hisobotida aytilishicha, mintaqada aholi jon boshiga yalpi ichki mahsulot taxminan 1 600 dollarni tashkil etgan, bu yangi iPhone 14 narxidan biroz ko‘p.
Izoh (0)