Yaponiyada “Kanun” to‘foni mamlakat janubiga yaqinlashishi sababli dushanba va seshanba kunlaridagi kamida 264 ta reys bekor qilindi, deb xabar berdi NHK.
To‘fon janubi-sharqdan Yaponiyaning Okinava prefekturasi orollari va Kagosima prefekturasining Amami arxipelagiga qarab harakatlanmoqda. Seshanba va chorshanba kunlari shiddatli shamol orollarga yetib borishi kutilmoqda.
Tayfun yaqinlashayotgani sababli JAL (Japan Airlines Corporation) dushanba kuni Okinava va Kagosima prefekturalarida 67 ta reysni bekor qildi. ANA (All Nippon Airways) kompaniyasi dushanba kuni ushbu yo‘nalishdagi 73 ta reysni va seshanba kuni yana 124 ta reysni bekor qilganini e’lon qildi.
Kun davomida bekor qilingan reyslar soni ortishi kutilmoqda.
Hozirda “Kanun” to‘foni markaziy bosimi 960 gektopaskal, shamol tezligi esa soniyasiga 40 metr sifatida baholanmoqda.
Yaponiya meteorologiya agentligi dushanba kuni kechqurun “Kanun” 945 gektopaskal bosimli kuchli tayfunga aylanishini prognoz qilmoqda. Shamol tezligi soniyasiga 45 metr tezlikka yetishi kutilmoqda.
Izoh (0)