Tez-tez angina va tomoq og‘rig‘iga duchor bo‘lish juda yoqimsiz holat. Ushbu kasallikdan aziyat chekkaningizda, ehtimol, bodomsimon bezlarni oldirib tashlash haqida o‘ylagansiz. To‘xtang, yana o‘ylab ko‘ring, bir nechta lor-shifokorlaridan maslahat oling. Bir necha o‘n yillar oldin bodomsimon bezlarni olib tashlash odatiy amaliyot hisoblangan, shuning uchun ko‘pchilik bu muolajaning oqibatlari borasida hali ham aldanib qoladi, deb yozadi The Voice Mag nashri.
SSSR davrida bodomsimon bezlarni olib tashlash juda keng tarqalgan, ayniqsa, ko‘pincha erta bolalik vaqtida va maktab o‘quvchilarida amalga oshirilgan. Bodomsimon bezlarni olib tashlash to‘g‘risida qaror shifokorlar tomonidan qabul qilingan va ular ko‘pincha yiringli tonzillit yoki surunkali tomoq muammolarini davolashning asosiy usuli sifatida ushbu muolajani qulay deb hisoblagan.
Buning sababi shuki, o‘sha paytda bodomsimon bezlarga infeksiyalar va kasalliklarning manbai sifatida qaralgan. Ularni olib tashlash esa nafas olish, yutish va tez-tez shamollash bilan bog‘liq muammolardan xalos bo‘lishning eng samarali usuli bo‘lib tasniflangan.
Vaqt o‘tishi va tibbiyot fanining rivojlanishi bilan ma’lum bo‘ldiki, bodomsimon bezlar organizmning immunitet tizimida muhim rol o‘ynaydi va infeksiyalardan himoya qilishda ishtirok etadi. Ular nafas yo‘llari orqali kiradigan mikroorganizmlarni ushlab turadigan va yo‘q qiladigan birinchi “filtr” vazifasini bajaradi. Agar angina yo‘q bo‘lsa, infeksiya darhol bronxit va pnevmoniya avj olishi mumkin bo‘lgan bronxga va yana quyiroqqa o‘tadi.
Bundan tashqari, bodomsimon bezlar limfotsitlar — organizmni infeksiyalardan himoya qilishda muhim rol o‘ynaydigan immunitet hujayralarining shakllanishida ishtirok etadi.
Zamonaviy tibbiyot bodomsimon bezlarni olib tashlash uchun ko‘proq konservativ yondashuvni yoqlaydi. Shifokorlar bu operatsiyani faqat yiringli tonzillitning tez-tez va og‘ir shaklda takrorlanishi yoki boshqa davolash usullari bilan hal etilmaydigan jiddiy muammolar mavjud bo‘gandagina tavsiya qiladi.
Izoh (0)