Toshkent shahrida kuz-qish mavsumiga puxta tayyorgarlik ko‘rish maqsadida 25-iyul kuni ayrim tumanlardagi qator ko‘chalarda elektr ta‘minoti vaqtincha to‘xtatiladi. Bu haqda “Hududiy elektr tarmoqlari” matbuot xizmati xabar berdi.
Qayd etilishicha, isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarning oldini olish maqsadida quyidagi manzillarda elektr taʼminoti vaqtincha o‘chiriladi:
- Sergeli tumani: “Nog‘ayqo‘rg‘on” va “Qubaytepa” MFYlarning ayrim ko‘chalarida soat 10:00 dan 16:00 gacha;
- Yashnobod tumani: “Ko‘ksaroy” MFYning ayrim ko‘chalarida soat 09:00 dan 17:00 gacha.
O‘z navbatida, yuqoridagi hududlarda ta’mirlash ishlari belgilangan vaqtdan avvalroq yakunlanishi mumkin.
“Hududiy elektr tarmoqlari” AJ Toshkent shahar filiali mazkur taʼmirlash ishlari tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘raydi.
Shuningdek, Olmazor tumani Keles yo‘li ko‘chasida yo‘l qurilish dasturi bo‘yicha ushbu manzilda 3 dona o‘rta bosimli GTPni yo‘l kengaytirish sababli xavfsiz joyga ko‘chiriladi.
Ushbu ishlarni bajarishda 25-iyul kuni soat 11:00 dan 17:30 ga qadar quyidagi tabiiy gaz iste’molchilarida gaz ta’minoti vaqtincha to‘xtatiladi:
- “Ahil”, “Yangi Toshkent”, “Paxta”, “Moyariq”, “G‘ani Agzamov”, “Guruch ariq” MFY.
O‘zbekiston hududida havo harorati keskin ko‘tarilishi sababli 2023-yil 20-iyul kunidan boshlab Toshkent shahrining ayrim markaziy ko‘chalari tungi ko‘cha yoritish tizimida cheklov joriy qilinmoqda. Eslatib o‘tamiz, 14-iyul kuni Olmazor, Yashnobod va Chilonzor tumanlarida, 15-iyulda esa Yashnobod va Uchtepa, 21-iyulda Yakkasaroy va Yashnobod tumanlarida elektr ta’minoti vaqtincha to‘xtatilgandi.
Izoh (0)