O‘zbekistonda 2023-yilning 1-iyul holatiga ko‘ra, doimiy yashovchi aholi soni 36 million 372,3 ming kishini tashkil etdi. Bu haqda Statistika agentligi xabar berdi.
Qayd etilishicha, ushbu ko‘rsatkich 2022-yilning mos davriga nisbatan 2,2 foizga ko‘paygan.
Shundan:
- Ayollar soni – 18 million 66 ming kishi;
- Erkaklar soni – 18 million 306,3 ming kishi.
Shahar joylarda yashovchi aholi soni 18 million 557,5 ming kishini tashkil etayotgan bo‘lsa, qishloq joylarda 17 million 815,8 ming kishi istiqomat qilmoqda.
Agentlik tomonidan aprel oyida e’lon qilingan ma’lumotlarga ko‘ra, O‘zbekiston aholisi 2023-yilning har bir oyida o‘rtacha 57,6 ming kishiga oshgan. 2023-yilning har bir kunida doimiy aholi soni o‘rtacha 1,9 ming kishiga ko‘paymoqda. 2023-yilning 1-yanvar holatiga doimiy aholi tarkibidagi erkaklar soni ayollar sonidan 232 210 nafarga ko‘p bo‘lgan. Mazkur davrda aholi soni 36 million 024 ming 946 kishini tashkil etgan.
Izoh (0)