Ukraina prezidenti Vladimir Zelenskiy Odessani raketa hujumlaridan himoya qilish uchun yangi SAMP-T yoki Patriot havo mudofaa tizimlari zarurligini aytdi. Bu haqda u matbuot anjumanida ma’lum qildi, deb yozadi “RBK-Ukraina”.
Zelenskiyning so‘zlariga ko‘ra, Ukrainada SAMP-T yoki Patriot tizimlari mavjud, biroq ular barcha infratuzilma obyektlarini himoya qilish uchun yetarli emas. Ukraina prezidentining so‘zlariga ko‘ra, agar Kiyevda qo‘shimcha tizimlar bo‘lsa, ular port infratuzilmasini himoya qilishi mumkin edi.
Zelenskiy, shuningdek, Yevropaning SAMP-T havo mudofaa tizimlari o‘z vazifalarini yaxshi bajarayotganini aytdi. Ammo ular aynan qayerdaligini Ukraina prezidenti aytmadi.
18-iyulga o‘tar kechasi Ukraina harbiylari Odessa osmonida Rossiyaning 6 ta “Kalibr” raketasini, shuningdek, Odessa va Nikolayev viloyatlarida 25 ta Shahed kamikadze dronlarini urib tushirdi, deb xabar bergandi Ukraina Qurolli kuchlari.
Xabarda taʼkidlanganidek, raketalar va dronlarning aksariyati Odessa va Nikolayev viloyatlarida, qolganlari Donetsk, Xarkov va Dnepropetrovsk viloyatlarida urib tushirilgan.
Izoh (0)