Украина президенти Владимир Зеленский Одессани ракета ҳужумларидан ҳимоя қилиш учун янги SAМP-Т ёки Patriot ҳаво мудофаа тизимлари зарурлигини айтди. Бу ҳақда у матбуот анжуманида маълум қилди, деб ёзади “РБК-Украина”.
Зеленскийнинг сўзларига кўра, Украинада SAМP-Т ёки Patriot тизимлари мавжуд, бироқ улар барча инфратузилма объектларини ҳимоя қилиш учун етарли эмас. Украина президентининг сўзларига кўра, агар Киевда қўшимча тизимлар бўлса, улар порт инфратузилмасини ҳимоя қилиши мумкин эди.
Зеленский, шунингдек, Европанинг SAМP-Т ҳаво мудофаа тизимлари ўз вазифаларини яхши бажараётганини айтди. Аммо улар айнан қаердалигини Украина президенти айтмади.
18 июлга ўтар кечаси Украина ҳарбийлари Одесса осмонида Россиянинг 6 та “Калибр” ракетасини, шунингдек, Одесса ва Николаев вилоятларида 25 та Shahed камикадзе дронларини уриб туширди, деб хабар берганди Украина Қуролли кучлари.
Хабарда таъкидланганидек, ракеталар ва дронларнинг аксарияти Одесса ва Николаев вилоятларида, қолганлари Донецк, Харьков ва Днепропетровск вилоятларида уриб туширилган.
Изоҳ (0)