Римда ҳарорат рекорди янгиланди: шаҳарнинг шарқий чеккасидаги об-ҳаво станцияси Цельсий бўйича 41,7 даражани қайд этди.
Latsio метеорология маркази маълумотларига кўра, энг юқори ҳарорат маҳаллий вақт билан 16:10 да қайд этилган.
Аввалги рекорд ўтган йилнинг июнь ойида ўрнатилгани тахмин қилинмоқда. Бошқа маълумотларга кўра, рекорд ҳарорат 1983 йил июлда қайд этилган бўлиб, ўшанда 40-40,5 даража иссиқ бўлган.
Миллий метеорология маркази экспертларининг фикрича, бошланган ҳафта Италиядаги метеорологик кузатувлар тарихидаги энг иссиқ ҳафтага айланиши мумкин. Сешанба куни Африканинг Чарон антициклони келтириб чиқарадиган иссиқликнинг энг юқори чўққисига чиқиши башорат қилинган эди. Тахминларга кўра, шу куни Италиянинг кўплаб минтақаларида термометрнинг симоб устуни 47 даражага, Сардиния оролида эса 48 даражага етади.
Италия Соғлиқни сақлаш вазирлиги сешанба куни мамлакатнинг 27 та йирик шаҳарларидан 20 тасида, жумладан, Рим, Болонья, Неапол, Венеция, Палермо, Мессина ва Кальярида об-ҳаво хавфининг "қизил" (энг юқори) даражасини эълон қилди.
Изоҳ (0)