Rossiya Ukraina qishloq xo‘jaligi mahsulotlarini Qora dengiz portlari orqali eksport qilishga imkon beruvchi don shartnomasiga “muqobil” variantlarni tayyorlamoqda. Bu haqda Rossiya Tashqi ishlar vazirligiga tayanib, “RIA Novosti” xabar berdi.
Bu masala Rossiya tashqi ishlar vaziri rahbari Sergey Lavrov va Turkiya tashqi ishlar vaziri Xoqon Fidan o‘rtasidagi telefon suhbatida ko‘tarilgan. Suhbat Turkiya tomonining tashabbusi bilan bo‘lib o‘tgan.
“Qora dengiz tashabbusiga muqobil ravishda vazirlar Kiyev va uning g‘arblik homiylarining ‘portlovchi harakatlari’ga bog‘liq bo‘lmagan, eng muhtoj mamlakatlarga don yetkazib berishning boshqa variantlarini ko‘rib chiqdi”, — deyiladi xabarda.
Lavrov Rossiyaning don shartnomasini uzaytirish bo‘yicha beshta talabini sanab o‘tgan va ularning hech biri bajarilmaganini ta’kidlagan. G‘alla bo‘yicha kelishuvlarni amalga oshirish 18-iyuldan boshlab to‘xtatildi, Rossiya Tashqi ishlar vazirligiga ko‘ra, Moskva Ukraina tomoni, Turkiya va BMTni xabardor qilgan.
Turkiya prezidenti Rajab Toyyib Erdo‘g‘on 17-iyul kuni Rossiya prezidenti Vladimir Putin bilan don kelishuvini davom ettirish masalasini muhokama qilishni rejalashtirayotganini aytdi. Rossiya prezidenti matbuot kotibi Dmitriy Peskov Putinning Erdo‘g‘on bilan hali aloqaga chiqish rejasi yo‘qligini bildirdi.
2022-yil 22-iyulda Rossiya, Turkiya, Ukraina va BMT vakillari tomonidan imzolangan Qora dengiz tashabbusi Ukraina don va oziq-ovqat mahsulotlarini Qora dengiz orqali uchta portdan, jumladan, Odessadan o‘g‘itlarni eksport qilishni nazarda tutgan. Istanbuldagi qo‘shma muvofiqlashtirish markazi kemalar harakatini nazorat qilish bilan shug‘ullangan.
Don tashabbusi paketli bitimning ajralmas qismi edi. Ikkinchi qism uch yilga mo‘ljallangan Rossiya—BMT memorandumi bo‘lib, Rossiyaning oziq-ovqat va o‘g‘it eksportini blokirovka qilmaslikni nazarda tutadi.
Rosselxozbankning SWIFT tizimiga qayta ulanishi, qishloq xo‘jaligi texnikasi, ehtiyot qismlari va xizmat ko‘rsatishni qayta tiklash, Tolyatti-Odessa ammiak quvurini tiklash va boshqa bir qator chora-tadbirlar asosiy vazifalar qatoriga kiradi. Moskva paketli kelishuvning bu qismi amalga oshirilmaganini ta’kidlagan.
Izoh (0)