Andijon viloyatida Labo haydovchisi YPX inspektorini urib, burnini sindirgani haqida xabar berilgan edi. Bosh prokuratura holat yuzasidan ma’lumotlarni taqdim etdi.
Unga ko‘ra, 12-iyul kuni Andijon viloyati IIB JHX YHXB xodimi o‘z xizmat vazifasini olib borayotgan vaqtida, 47 yoshli erkak haydovchilik guvohnomasisiz avtomashina boshqargani uchun avtomobillarni vaqtincha saqlash maydonchasiga joylashtirayotgan vaqtda fuqaro K.V. xodimning harakatlariga faol qarshilik ko‘rsatib, qo‘li bilan xodimning yuz qismiga bir marta urib, tan jarohati yetkazgan.
Mazkur holat yuzasidan K.B.ga nisbatan Jinoyat kodeksi 219-moddasi (Hokimiyat vakiliga yoki fuqaroviy burchini bajarayotgan shaxsga qarshilik ko‘rsatish) bilan jinoiy ish qo‘zg‘atilgan.
Gumon qilinuvchi protsessual tartibda ushlanib, unga nisbatan qamoqqa olish tarzidagi ehtiyot chorasi qo‘llangan.
Izoh (0)