“Xorijdan kelib, ishlayotgan o‘qituvchilarimizga 2-3 ming dollardan oylik beramiz” — rektor Kongratbay Sharipov

Toshkent davlat iqtisodiyot universitetiga xorijdan kelib dars beradigan o‘qituvchilar uchun 2–3 ming dollardar oylik-maosh to‘lanadi. Bu haqda universitet rektori Kongratbay Sharipov jurnalistlar bilan muloqotda aytib o‘tdi.

Kongratbay Sharipovning chet eldan kelib ishlayotgan o‘qituchilar oyliklari va yashash xarajatlari superkontraktdan tushayotgan mablag‘lar hisobidan qoplanadi.

“Superkontratdan tushayotgan mablag‘larni bir qator xarajatlarga yo‘naltiramiz. Masalan, universitetimizda 700–800 nafar ijtimoiy himoyaga muhtoj talabalar bor. Ularni qo‘llab–quvvatlash uchun yiliga har biriga 5 million so‘mgacha pul beramiz. Shuningdek, yotoqxonalarga qo‘shimcha joylar yaratamiz, qurilishlar qilamiz. Chet eldan keladigan professor–o‘qituvchilar bor. Ularning maoshi yuqori — oyiga kamida 2-3 ming dollardan to‘lashimiz kerak. Yaʼni bu pullarning barchasi maqsadli ishlatiladi”, — degan universitet rahbari.

Maʼlum qilinishicha, Toshkent davlat iqtisodiyot universitetida jami 617 nafar professor-o‘qituvchilar 22 ming 212 nafar talabaga dars beradi.

Universitetda 2023/2024-o‘quv yili uchun bakalavriat (kunduzgi) uchun 32 ta yo‘nalish bo‘yicha 2 ming 25 ta, magistraturaga 26 ta mutaxassislik bo‘yicha 615 ta o‘rin o‘rin ajratilgan.