Тошкент давлат иқтисодиёт университетига хориждан келиб дарс берадиган ўқитувчилар учун 2–3 минг доллардар ойлик-маош тўланади. Бу ҳақда университет ректори Конгратбай Шарипов журналистлар билан мулоқотда айтиб ўтди.
Фото: “Дарё”
Конгратбай Шариповнинг чет элдан келиб ишлаётган ўқитучилар ойликлари ва яшаш харажатлари суперконтрактдан тушаётган маблағлар ҳисобидан қопланади.
“Суперконтратдан тушаётган маблағларни бир қатор харажатларга йўналтирамиз. Масалан, университетимизда 700–800 нафар ижтимоий ҳимояга муҳтож талабалар бор. Уларни қўллаб–қувватлаш учун йилига ҳар бирига 5 миллион сўмгача пул берамиз. Шунингдек, ётоқхоналарга қўшимча жойлар яратамиз, қурилишлар қиламиз. Чет элдан келадиган профессор–ўқитувчилар бор. Уларнинг маоши юқори — ойига камида 2-3 минг доллардан тўлашимиз керак. Яъни бу пулларнинг барчаси мақсадли ишлатилади”, — деган университет раҳбари.
Маълум қилинишича, Тошкент давлат иқтисодиёт университетида жами 617 нафар профессор-ўқитувчилар 22 минг 212 нафар талабага дарс беради.
Университетда 2023/2024-ўқув йили учун бакалавриат (кундузги) учун 32 та йўналиш бўйича 2 минг 25 та, магистратурага 26 та мутахассислик бўйича 615 та ўрин ўрин ажратилган.
Изоҳ (0)