O‘zbekistonda 2023-yilning birichi yarmida soliq huquqbuzarliklari haqida 68 mingdan ortiq murojaat yo‘llangan, deb xabar bermoqda Soliq qo‘mitasining “Fiskal tahlillar” Telegram-kanali.
Ma’lum qilinishicha, yanvar-iyun oylarida “Soliq” mobil ilovasining “Soliq hamkor” tizimi orqali soliq huquqbuzarliklari haqida kelib tushgan 68 129 ta murojaatdan:
- 63 548 tasi xarid cheki bermaslik;
- 2 755 tasi to‘lovni plastik karta orqali qabul qilmaslik;
- 128 tasi plastik karta uchun xarid summasini oshirish;
- 1 698 tasi boshqa turdagi huquqbuzarlik holatlari bo‘yicha.
Murojaatlarning 38 867 tasi takroriy bo‘lgani yoki shikoyat kelib tushgan tadbirkorlik subyektida tekshiruv davom etayotganli sababli qaytarilgan.
Kelib tushgan murojaatlar asosida 25 623 ta sayyor soliq tekshiruvi o‘tkazilib, 100 foiz holatda huquqbuzarlik tasdiqlangan.
Natijada huquqbuzarlik holatlari bo‘yicha xabar bergan fuqarolarga 2023-yilning I yarmida 26 988 ta holat bo‘yicha (undirilgan jarima summasidan 20 foiz) 13,5 milliard so‘m mukofot to‘langan.
Izoh (0)