NATO bosh kotibi Yens Stoltenberg Ukraina alyansga a’zo bo‘lish uchun bajarishi kerak bo‘lgan shartlarni aytdi.
Uning so‘zlariga ko‘ra, Ukrainada korrupsiyaga qarshi kurash, davlat boshqaruvi institutlarini, jumladan, xavfsizlik va mudofaa sektorini modernizatsiya qilish, shuningdek, NATO standartlariga moslik bo‘yicha islohotlar olib borilishi kerak.
Bundan tashqari, u urush davom etayotgan bir paytda alyansga qo‘shilish haqida gap bo‘lishi mumkin emasligini ta’kidladi.
O‘z navbatida, Stoltenberg Ukraina uchun NATOga qo‘shilish jarayoni soddalashtirilishini aytdi. Sammitda Ukrainani NATOga a’zo bo‘lishga yaqinlashtirish uchun uch elementdan iborat paketga kelishib olingan.
“Bu armiyani NATO standartlariga o‘tkazishda yordam berish, Ukraina alyans aʼzolari bilan teng huquqli ovozga ega bo‘ladigan Ukraina-NATO formatini yaratish, shuningdek, NATOga qo’shilishning standart rejasini bekor qilishni o‘z ichiga oladi”, — dedi alyans bosh kotibi.
Shuningdek, u NATO Rossiya bilan ziddiyatga intilmasligi va unga tahdid solmasligi, lekin Rossiyani o‘zining hamkori deb hisoblay olmasligini taʼkidladi.
“NATO xavflarni kamaytirish va keskinlashuvning oldini olish uchun Moskva bilan aloqa kanallarini ochiq tutmoqchi”, — deyiladi bayonotda.
Izoh (0)