Ариповдан Мусаевгача — ҳукумат аъзолари президент сайловида қатнашди (фото) 

Бугун, 9 июль – Ўзбекистон президентининг муддатидан илгари сайлови бўлиб ўтмоқда. Марказий сайлов комиссияси ахборотида соат 13:00 ҳолатига кўра, сайловда 11,7 миллиондан ортиқ, яъни 60,7 фоиз сайловчи овоз бериб улгурган. “Дарё” сайловда оила аъзолари билан фаол қатнашган ҳукумат аъзолари суратларини жамлади.

Бош вазир Абдулла Арипов оила аъзолари билан Тошкент шаҳридаги 520-сайлов участкасига келиб, овоз берди.

Иқтисодиёт ва молия вазири Шерзод Кудбиев ҳам сайловда қатнашиб, овоз берди.

Олий таълим, фан ва инновациялар вазири Иброҳим Абдураҳмонов Тошкент шаҳридаги 818-сайлов участкасида овоз берди.

Инвестициялар, саноат ва савдо вазири Лазиз Қудратов сайловда ўз оила аъзолари билан иштирок этиб, Тошкент шаҳридаги 32 -сайлов участкасида овоз берди.

Рақамли технологиялар вазири Шерзод Шерматов пойтахтдаги 356-сайлов участкасида бўлиб, ўзи ёқлаган номзодга овоз берди. 

Ўзбекистон соғлиқни сақлаш вазири Амрилло Иноятов ҳам президентлик сайловида иштирок этиб, оила аъзолари билан бирга овоз берди.

Ўзбекистон Маданият ва туризм вазири Озодбек Назарбеков Тошкент шаҳридаги 19-сайлов участкасида овоз берган.

Энергетика вазири Жўрабек Мирзамаҳмудов ҳам оила аъзолари билан сайловда қатнашиб, овоз берди.

Қишлоқ хўжалиги вазири Азиз Воитов сайловда иштирок этиб, ўзи ёқлаган номзодга овозини берди. 

Камбағалликни қисқартириш ва бандлик вазири Беҳзод Мусаэв ҳам сайловда қатнашиб, овоз берди. 

Сайлов жараёни давом этмоқда. Бошқа давлат амалдорлари ҳам жараёнда фаол ишиток этиб, овоз бермоқда.

Аввалроқ Сенат раиси Танзила Норбоева сайловда қатнашган хабар қилинганди. Шунингдек, муфтий Нуриддин Холиқназаров ҳам президентлик сайловида овоз берган.