АҚШ молия вазири Жанет Еллен АҚШда Хитой Давлат кенгаши раҳбари ўринбосари Хе Lifeн билан учрашганда дипломатик этикет қоидаларини бузгани учун танқид қилинди, деб ёзади The New York Post.
Нашрнинг ёзишича, сиёсатчи хитойлик амалдор билан қўл бериб кўришиш пайтида тез-тез таъзим қилган. Президент Жорж Буш маъмуриятида ишлаган Оқ уйнинг собиқ расмийси Бредли Блейкманнинг айтишича, “америкалик амалдорлар ҳеч қачон таъзим қилмайди”.
Нью-Йорк университети фахрий профессори ва Хитой ҳуқуқи бўйича мутахассис Жером Коен таъзим қилиш қабул қилинган протоколга мувофиқ эмаслигини таъкидлади.
Шу билан бирга, нашр экспертлари хитойлик сиёсатчи АҚШ молия вазирининг таъзимига етарли даражада жавоб қайтармаганига эътибор қаратишди. Улар бу ҳодисани Американинг заифлиги белгиси деб атади. Бундан ташқари, америкалик вазир Хе Lifeн исмини нотўғри талаффуз қилиб, уни “бош вазир ўринбосари Ху” деб атаган.
Олдинроқ Еллен АҚШ ва Хитой ўртасидаги муносабатларга баҳо бериб, расмийлар ўртасидаги қатор музокаралардан сўнг улар янада мустаҳкам асосга эга эканини айтган эди.
Изоҳ (0)