London yaqinidagi Uimbldonda boshlang‘ich maktab binosiga mashina urilganidan so‘ng bir qiz halok bo‘ldi, deb xabar beradi Britaniya poytaxti politsiyasi o‘z saytida.
Shuningdek, voqea natijasida kamida to‘qqiz kishi jarohatlangan. Shu bilan birga huquq-tartibot idoralari xodimlari voqeani terakt deb hisoblamasliklarini, tergov davom etayotganini taʼkidladilar.
“Tasdiqlashimiz mumkinki, bir nafar bola Uimbldondagi maktab binosiga avtomashina bostirib kirishi oqibatida yuz bergan hodisa natijasida halok bo‘lgan”, — deyiladi politsiya xabarida.
Nashrning qayd etishicha, mashina haydovchisi 40 yoshlardagi ayol qo‘lga olingan.
Izoh (0)