“Ukraina NATOning Vilnyusdagi sammitidan ko‘p narsa kutmasligi kerak”, dedi Polshaning Yevropa ishlari bo‘yicha vaziri Shimon Shinkovski vel Shenk RMF FM radiostansiyasi efirida.
“Hammani bir savol qiziqtiryapti, Ukrainani NATOga qabul qilish bo‘yicha biror va’da bo‘ladimi?”, — dedi vazir.
Uning tushuntirishicha, mamlakatlar pozitsiyalari bir-biridan farq qiladi: Polsha kabi bu qarorga “ishtiyoqmandlar” ham, shuningdek, “masofa saqlab turganlar” ham bor.
Ukrainada ham sammit jiddiy natija bermasligiga ishonishmoqda. Ukraina harbiy razvedkasi rahbari Kirill Budanov bir kun avval Times gazetasiga bergan intervyusida aytganidek, ishtirokchilar “bir necha so‘z” aytadilar, biroq amalda hech narsa bo‘lmaydi.
Ukraina prezidenti Vladimir Zelenskiyning ta’kidlashicha, agar Kiyev Vilnyusdagi sammitda NATOga taklif ololmasa, bu qo‘shinlarning ruhiyatini tushiradi. Zelenskiy Yevropa davlatlari yetakchilari, AQSH prezidenti Jo Bayden, NATO bosh kotibi Yens Stoltenberg bilan gaplashgani va mamlakatni qo‘llab-quvvatlashni so‘raganini ma’lum qildi.
NATO sammiti 11—12-iyul kunlari Vilnyusda bo‘lib o‘tadi.
Izoh (0)