Ukraina prezidenti Vladimir Zelenskiy Sofiyaga tashrif buyurdi. Bortida Ukraina prezidenti bo‘lgan Bolgariya hukumati samolyoti Kishinyovdan uchib keldi, deb xabar berdi BTV telekanali.
Zelenskiy Bolgariyaga respublika hukumatining taklifiga binoan keldi. Ukraina prezidentining o‘zi Telegram’da aniqlik kiritishicha, tashrif chog‘ida u bolgariyalik hamkasbi Rumen Radev va mamlakat Vazirlar mahkamasi rahbari Nikolay Denkov bilan uchrashishi rejalashtirilgan.
Shuningdek, Zelenskiy Bolgariya tashqi ishlar vaziri Mariya Gabriel, shuningdek, respublika Milliy assambleyasi spikeri Rosen Jelyazkov bilan ham uchrashadi.
Muhokama qilinishi rejalashtirilgan mavzular orasida Ukrainaning NATOga kirishi istiqbollari, Shimoliy Atlantika alyansining bo‘lajak sammiti, shuningdek, xavfsizlik kafolatlari va Vladimir Zelenskiy taklif qilgan “tinchlik formulasi” bor. Zelenskiyning rejasi, xususan, Rossiya qo‘shinlarini olib chiqib ketish, Ukraina hududiy yaxlitligini tiklash, yadroviy xavfsizlik va barcha asirlarni ozod etishni nazarda tutadi. Moskva taklif qilingan bu rejani rad etgan.
Bundan tashqari, Zelenskiy Bolgariya rahbariyati bilan Ukrainaga Bolgariya yordami hajmini oshirish va qurilishi tugallanmagan Bolgariya Belene atom elektr stansiyasidagi Rossiya uskunalarini sotish haqida gaplashmoqchi. Tomonlar, shuningdek, Ukrainaning Yevroatlantika yo‘lini qo‘llab-quvvatlovchi deklaratsiya va energetika sohasida o‘zaro anglashuv memorandumini imzolashni rejalashtirmoqda.
Izoh (0)