Rossiya harbiylari 6-iyulga o‘tar kechasi Lvovga “Kalibr” qanotli raketalari bilan hujum qilib, turar-joy binosiga zarba berdi. Bu haqda New Voice Ukraina xabar berdi.
.jpg)
Hujum oqibatida kamida to‘rt kishi halok bo‘lgan va 34 kishi, jumladan, bir bola yaralangan. O‘nlab uylar vayron bo‘lgan, qutqaruvchilar vayronalar orasidan omon qolganlarni qidirmoqda. Mer Andrey Sadoviy zarbani shahar fuqarolik infratuzilmasiga qilingan eng yirik hujumlardan biri deb atadi.
Lvov viloyati davlat maʼmuriyati rahbari Maksim Kozitskiyning aytishicha, 30 ga yaqin uy va 50 dan ortiq avtomobil zarar ko‘rgan. Maktablar, Lvov politexnika yotoqxonalari, ofis majmualari vayron qilingan.
Rossiya tomonidan uchirilgan o‘nta raketaning yettitasi urib tushirilgan. Xususan, Lvov viloyatidagi qishloqlardan birida Xalq uyi binosi yaqinida raketa parchasi qulagan va voronka hosil bo‘lgan.
Shuningdek, Rossiya raketalari qoldiqlari qulashi sababli Zolochiv tumanidagi qishloqlardan biridagi shaxsiy xonadonda vayronagarchilik kuzatilgan.
Ukraina prezident devoni rahbari Andrey Yermakning aytishicha, Rossiya G‘arb komponentlaridan foydalangan holda raketalar ishlab chiqarishda davom etmoqda va sanksiyalarni chetlab o‘tadi.
“Buni to‘xtatishning yagona yo‘li — kuch bilan. Bizga hozirgidan ko‘ra ko‘proq havo hujumidan mudofaa tizimi, raketaga qarshi mudofaa kerak. Albatta, xavfsizlik kafolatlari va Ukrainaning NATOning bir qismi bo‘lishi Putin qo‘rqadigan haqiqiy signaldir”, — dedi u.
Izoh (0)