Turkiya go‘zal, betakror landshaftlari, O‘rta Yer dengizi va Egey qirg‘oqlarining g‘aroyib go‘zalligi, baland qarag‘ay o‘rmonlari bilan qoplangan tog‘lar, ko‘pikli sharsharalar va zumradrang kengliklari bilan ajralib turadigan ajoyib mintaqadir. Dengizlar, daryolar va ko‘llar insonni zavqlantiradi, unutilmas taassurotlar qoldiradi. Qadimgi me’morchilik yodgorliklari o‘zining ulug‘vorligi, sirli yerosti galereyalari, g‘orlari, qadimiy xarobalar, shuningdek, zamonaviy shaharlar va kichik aholi punktlarining hayratlanarli darajada rang-barang ko‘chalari bilan lol qoldiradi. Turkiyada juda ko‘p noyob joylar mavjud. Serial va kinofilmlarning ayrim sahnalari uchun shu kabi joylar va manzaralar tanlanadi.
“Shimoliy yulduz” seriali
“Shimoliy yulduz” seriali 2019—2021-yillarda suratga olingan. Loyihada bosh rollarni Ismoil Demirji va Aslihan Guner ijro etgan. Ushbu serial 64 qismdan iborat. Bu serial haqida kam gapiriladi, biroq loyiha Turkiyada muvaffaqiyatli bo‘ldi va bir necha mavsum davom etdi. Serial har jihatdan: bosh qahramonlar, voqealarning qiziqarli ekanligi, ajoyib manzaralar tomoshabinni o‘ziga jalb qiladi.
Ushbu serialni suratga olish ishlari O‘rdu shahri va uning viloyatlarida bo‘lib o‘tdi. Ba’zi sahnalar Qora dengiz sohilida suratga olingan. Serialda O‘rduning go‘zal o‘rmonlari, dengizi va barcha tabiiy go‘zalliklarini ko‘rishingiz mumkin.
Loyihada Yildiz Kuzey ismli yigitni sevib qoladi. Oilalari uzoq do‘stlik munosabatlarida bo‘lgani uchun Kuzey va Yildiz unashtiriladi. Biroq Kuzey Istanbuldagi universitetga o‘qishga borgach, bergan barcha va’dalarini unutadi. Bir necha yil o‘tgach, Kuzey Yildizning sevgisini qozonish umidida uyiga qaytadi.
“Beqaror” seriali
Ushbu serial 2019—2021-yillarda suratga olingan. Unda bosh qahramonlar rolini Akin Akinezyu va Ebru Shahin gavdalantirgan. Loyiga 69 ta qismdan iborat. Serial ijodkorlari hatto madaniyat va turizmni qo‘llab-quvvatlaganliklari uchun Midyat shahar hukumatining mukofotiga sazovor bo‘lgan.
“Beqaror” serialining suratga olish jarayonlari ham Mardin shahrida bo‘lib o‘tgan. Muhim joylar serial voqealari bilan chambarchas bog‘liq. Masalan, ko‘prik yoki arg‘imchoq serialni yodga soladi. Serialda Midyatdagi eng qudratli oilalardan birining qizi Reyyan va ko‘p yillar oldin o‘ldirilgan ota-onasidan qasos olmoqchi bo‘lgan Miranni sevib qoladi.
“Orol ertagi” seriali
Ushbu loyiha 2021-yilda tomoshabinlarga taqdim etilgan. “Orol ertagi” serialida bosh rollarni Aycha Ayshin Turan va Alp Navruz ijro etgan. Loyiha 25 ta qismdan iborat. Suratga olish ishlari Seferihisar shahrida (Izmir viloyatida joylashgan) joylashgan Sigajik hududida bo‘lib o‘tdi. Sujet davomida bosh qahramon shovqinli shaharni tark etadi va asta-sekin Egey dengizi yaqinidagi sokin va go‘zal hayotga oshiq bo‘la boshlaydi.
Loyihada Xaziran o‘z karyerasi uchun orolga boradi, qahramon u yerda ishi rivojlanish uchun yer sotish bo‘yicha muzokaralar olib borishi kerak. Biroq shu yerning egasi bo‘lgan Poyrazni shu yerda uchratib qoladi. U savdo hujjatlarini imzolash niyatida emas, buning uchun Xaziran orolda qolib, shahardan tashqarida hayot qanday ketayotganini bilishga majbur bo‘ladi.
“Mas’uliyat” loyihasi
Ushbu serial 2014-yilda turk kinoijodkorlari tomonidan suratga olingan. Unda bosh rollarni Mehmet Akif Alakurt va O‘zlem Yilmaz ijro etgan. Loyiha 13 qismdan iborat. Serial voqealari qadimgi Ugryup shahrida sodir bo‘ladi. Bu yer sun’iy g‘orlar va qadimgi uylari arxitekturasini, zamonaviy qiyofa va tarixiy muhitni o‘zida mujassam etgan joy.
Loyiha sujetida politsiya operatsiyasi paytida xavfsizlik kuchlari kapitani Firat Ozder tasodifan begunoh tinch aholini o‘ldiradi. Bo‘lib o‘tgan voqea unga tinchlik bermaydi. U o‘sha insonning qarindoshlarini topib, yordam bermoqchi bo‘ladi. Shunday qilib, qahramon marhum Zelolning kelini bilan uchrashadi va kutilmaganda uni sevib qoladi.
“Sevgilim, Alabora”
“Sevgilim, Alabora” seriali 2015-yilda namoyish etilgan. Unda bosh qahramonlarni Kadir Dog‘ulu va Elchin Sangu gavdalantirgan. Loyiha 4 qismdan iborat. Serial juda kam qismdan iborat, ko‘pchilik tomoshabinlar “Sevgilim, Alabora”ga yana imkoniyat berilishi kerak edi, degan fikrga qo‘shildi. Ammo reytinglar pastligi sababli, serial atigi 4 ta qismdan so‘ng yakunlandi. Suratga olish ishlari tabiiy go‘zalligi bilan diqqatni tortadigan Mug‘la shahrida bo‘lib o‘tdi.
.jpg)
Hududda bir nechta sahnalar suratga olindi. Suratga olish uchun eng ko‘p foydalanilgan joylar Karabortlen qishlog‘i va Ko‘ychegizdagi ko‘l bo‘yidagi otxona edi. Serial taqiqlangan sevgi mavzusiga bag‘ishlangan. Sujetga ko‘ra, qiz oilasi tanlagan inson bilan birga bo‘la olmasligini tushunib, yaxshi ko‘rgan insoni bilan qochishga qaror qiladi.
“Qirg‘oq” seriali
“Qirg‘oq” seriali 2013—2015-yillarda namoyish etilgan. Unda bosh qahramonlar rolini Chag‘atay Ulusoy va Serenay Sarikaya gavdalantirgan. Loyiha 77 qismdan iborat. Bu serialni haqli ravishda afsonaviy deb atash mumkin. Loyihada juda ko‘p iste’dodli aktyorlar ishtirok etgan. Melodramaning suratga olish jarayonlari Marmara dengizi bo‘yida joylashgan Istanbul hududida bo‘lib o‘tdi. Bu qayiq va yaxtalar uchun to‘xtash joyi, favvorali hovuzlar va o‘yin parki bo‘lgan katta maydon hisoblanadi.
Yaman mehnat va o‘qishning uddasidan chiqqan yigit. Qahramonning bolaligi og‘ir kechadi, biroq u yoshligida ham qiyinchiliklarga dosh bera oladi. Unga bu borada akasi o‘rnak bo‘ladi. Biroq aynan Kenan tufayli Yaman xavfli vaziyatga tushib qoladi, shundan so‘ng uni hibsga olishmoqchi bo‘lishadi. Yaman yo‘lda advokat Selim Serezni uchratib qoladi.
“Osiyo” seriali
“Osiyo” seriali 2007—2009-yillarda tomoshabinlarga taqdim etilgan. Loyihada bosh rollarni Tuba Buyukustun va Murat Yildirim ijro etgan. Loyiha 71 qismdan iborat. “Osiyo” serialining suratga olish ishlari Turkiyaning eng mashhur janubiy shahri – Antakyada bo‘lib o‘tgan. Bu joy tog‘lar va unumdor vodiylar bilan o‘ralgan.
Sujetga ko‘ra, Osiyo deyarli bankrot bo‘lgan va oilasini boqa olmayotgan dehqonning qizi. U oilaviy sharoiti yaxshilanishi uchun hamma narsaga tayyor bo‘ladi. Go‘zal Osiyo ham xuddi otasi kabi shu zaminga bog‘langan. U tabiat, yerning tilini chuqur his qiladi va tushunadi. Hatto unga xuddi shu hududda oqib o‘tadigan va afsonaga ko‘ra suvni qaytarib olib keladigan Osiyo daryosi tufayli shu ism qo‘yilgan. Kunlardan bir kun Osiyo Demir bilan uchrashadi. Bu uchrashuv so‘nggi umid bo‘lib tuyuladi, biroq keyinchalik ularning oilalari yashiradigan ko‘plab sirlar oshkor bo‘ladi.
“Eylulning kichik muammosi” filmi
Ushbu 2014-da suratga olingan, unda bosh rollarni Farah Zeynep Abdulla va Engin Akyurek gavdalantirgan. Suratga olish ishlarining asosiy qismi Egey dengizining shimoliy qismida joylashgan Bo‘zjaada orolida bo‘lib o‘tgan. Sujetda baxtsiz hodisadan keyin Eylul ismli qahramon hayotining so‘nggi oyidagi voqealarni unutadi.
Atrofdagilar, do‘stlari va oilasi unga hech qanday muammo yo‘qligini aytishsa-da, Eylul yolg‘on gapirayotganidan shubhalanadi. U faqat o‘z instinktlariga quloq tutib, orolga borishga majbur bo‘ladi va u yerda tasodifan notanish insonni uchratadi va ular bir-birini sevishganlar ekaniga ishontiradi.
Izoh (0)