Qashqadaryoda tadbirkor 15 ta xonadonni kam ta’minlangan oilalarga hadya qildi

Qashqadaryo viloyati Koson tumanida tadbirkor 15 ta xonadonni kam ta’minlangan oilalarga hadya qildi. Bu haqda tuman hokimlik axborot xizmati rahbari Dilshod Nabiyev xabar berdi.

Unga ko‘ra,  Koson tumani “Do‘stlik” mahallasida Yangi O‘zbekiston massivlari bunyod etilmoqda. Mazkur hududda 7 ta 5 qavatdan iborat uy-joy qurgan “Koson Sanoat Montaj” MChJ jami 140 ta xonadonning 15 tasini kam ta‘minlangan, ehtiyojmand oilalarga hadya qildi. Uylarning narxi taxminan 250 million so‘mni tashkil qiladi.

Bundan tashqari, “Yangi O‘zbekiston” massivlarida qurilgan uy-joylarning yerto‘la qismida yashash uchun barcha sharoit yaratilib, moslashtirilib, ijtimoiy uyga aylantiriladi va uy-joyga muhtoj oilalarga ajratilishi kutilmoqda.