Қашқадарё вилояти Косон туманида тадбиркор 15 та хонадонни кам таъминланган оилаларга ҳадя қилди. Бу ҳақда туман ҳокимлик ахборот хизмати раҳбари Дилшод Набиев хабар берди.
Унга кўра, Косон тумани “Дўстлик” маҳалласида Янги Ўзбекистон массивлари бунёд этилмоқда. Мазкур ҳудудда 7 та 5 қаватдан иборат уй-жой қурган “Косон Саноат Монтаж” МЧЖ жами 140 та хонадоннинг 15 тасини кам таъминланган, эҳтиёжманд оилаларга ҳадя қилди. Уйларнинг нархи тахминан 250 миллион сўмни ташкил қилади.
Бундан ташқари, “Янги Ўзбекистон” массивларида қурилган уй-жойларнинг ертўла қисмида яшаш учун барча шароит яратилиб, мослаштирилиб, ижтимоий уйга айлантирилади ва уй-жойга муҳтож оилаларга ажратилиши кутилмоқда.
Изоҳ (0)