Kamerunlik futbolchi Samyuel Eto’Oning qizi otasiga bir yillik qamoq jazosi berilishini so‘ramoqda.
2022-yil fevral oyida Samyuel to‘rt yillik sud jarayonlaridan so‘ng Erika do Rosario Nevesni o‘z qizi deb tan olgandi. Sud Eto’Oga oyiga 1400 yevro miqdorida aliment to‘lash majburiyatini yuklagan.
Sobiq futbolchi 5 yil mobaynida aliment to‘lamay kelgan. Qizning advokati Fernando Osunaning so‘zlariga ko‘ra, Samyuel 90 ming yevro to‘lab berishi lozim.
“U 5 yil davomida qiziga aliment to‘lamay kelgan va hozir ham sudning qarorini e’tiborsiz qoldirmoqda. Erikaning moliyaviy ahvoli juda yomon, bu paytda Eto’O hashamatda yashayapti”, — deydi Osuna.
Shuningdek, advokat sudlanganiga qaramasdan Samyuelning Kamerun futbol federatsiyasi rahbarligida qolayotganligini tushunmayotganini ta’kidlagan.
Erika do Rosario Neves Eto’Oning qamalishini istamoqda. Hozirda Madrid sudi bu ishni ko‘rib chiqmoqda.
Eslatib o‘tamiz, Samyuel Eto’O Qatarda bo‘lib o‘tgan Jahon Chempionati vaqtida blogerning yuziga oyog‘i bilan zarba bergandi.
Izoh (0)