Rossiyalik xonanda Grigoriy Leps Ukrainaga berilgan nemis Leopard tankini yo‘q qilgan rossiyalik jangchiga million rubl to‘ladi. Bu haqda “RIA Novosti” xabar berdi.
Venom nomi bilan tanilgan harbiy xizmatchi xonandadan pul mukofoti olganini tasdiqladi. 14-iyun kuni Grigoriy Leps va Nikolay Baskov Ukraina Qurolli kuchlari tankini ishdan chiqargan har bir kishiga bir million rubl to'lashni taklif qilgandi.
Sankt-Peterburg xalqaro iqtisodiy forumida san’atkorlar rossiyalik harbiylarga shaxsiy mablag‘lari hisobidan moliyaviy yordam berish rejalari haqida gapirgan.
Ularning “tashabbusiga” teleboshlovchi Yuliya Baranovskaya va “Zemlyane” guruhi rahbari Vladimir Kiselyov ham qo‘shilgan. Grigoriy Leps Rossiya “maxsus harbiy operatsiya”ning boshidanoq uni qo‘llab-quvvatlagan.
Dunyoda Rossiya va Ukraina o‘rtasidagi urushni ochiqdan ochiq qo‘llab-quvvatlovchi artistlar va ijrochi guruhlarni konsert berishlariga keng jamoatchilik keskin eʼtiroz bildirmoqda.
Ko‘plab mamlakatlarda ularning konsert berishlariga cheklov qo‘yilgan. Xususan, O‘zbekistonda may oyida bo‘lishi rejalashtirilgan Zhara (talaffuzda “Jara” — “Daryo” izohi) xalqaro musiqa festivali jamoatchilikning keskin e’tirozidan keyin qoldirilgandi.
Madaniyat va turizm vaziri o‘rinbosari Bahodir Ahmedov kremlparast qo‘shiqchilarga O‘zbekistonda konsert berishi yoki aksincha cheklov qo‘yilishi bo‘yicha izoh bergandi.
U O‘zbekistonda sanʼatga to‘siqning o‘zi yo‘qligi, konsertlardan tushgan mablag‘lar urushga yo‘naltirilishi haqidagi gaplar haqiqatdan yiroqligini aytgandi.
Nega hamma festivalni o‘tkazishdan bosh tortmoqda?
Festivalda o‘z qo‘shiqlari bilan ishtirok etadigan xonandalarning aksariyati rus shou-biznesi vakillari hisoblanadi. Ular orasida Grigoriy Leps, Filipp Kirkorov, Timati, Olga Buzova, Sergey Lazarev kabi Rossiyaning Ukrainadagi urushini ochiqdan-ochiq qo‘llaydigan qo‘shiqchilar ham bor. Shu sababli mezbon mamlakat fuqarolari ijtimoiy tarmoqlarda festivalga qarshi keng ko‘lamli virtual norozilik askiyalari uyushtirgan. Ularning fikricha, rossiyalik san’atkorlarning Qozog‘istondagi chiqishlari respublika “Ukrainadagi urushni qo‘llab-quvvatlashini” bildiradi.
Ma’lumot o‘rnida, Grigoriy Leps 23-oktyabrda O‘zbekistonda konsert berishni rejalashtirgan. Bunga o‘zbekistonlik ko‘plab faollar qarshilik bildirayotganiga qaramay, hozircha tadbir bekor qilingani yo‘q.
Lepsning Qozog‘istonda 8-iyul kuni bo‘lib o‘tishi rejalashtirilgan konsert dasturi ham mahalliy faollarining noroziligini keltirib chiqargandi va tadbir bekor qilingandi.
Izoh (0)