Quruq teri yoki kseroziya — bemorlarning umumiy shikoyati sifatida tavsiflanadi. Bu muammoni hal qiladigan vitamin yetarli emasligidan dalolat, deb yozadi Wday nashri.
Davo choralarini boshlash uchun dastlab atrof-muhit va diyetadagi oziq-ovqatlar xilma-xilligiga qarang. Quruqlik teri gidrolipid mantiyasining shakllanishi va himoya xususiyatlarining buzilishi bilan bog‘liq va ko‘pincha o‘zimiz bu jarayonning aybdoriga aylanamiz. E’tibor qiling, agar har kuni terini dush geli va “molochko” bilan yuvsangiz, keyin uni sochiq bilan artsangiz, teriga mos bo‘lmagan krem surtsangiz, yashash xonangizda havo quruq bo‘lsa, cheksangiz yoki diyetangiz “Garvard likopchasi”ga mos kelmasa — demak, quruq teri holatini qayta ko‘rib chiqishning allaqachon vaqti keldi.
Agar teri quruqligining aniq sabablari bo‘lmasa va terining qurishi yoki qichishi yagona shikoyat bo‘lsa, unda dermatolog qabulida bo‘lishingiz zarur. Bundan tashqari, agar tortishish va qichishish hissi bilan bir qatorda, toshmalar, kuchli qichishish elementlari bo‘lsa, u holda shoshilish kerak. Ko‘pincha bemorlar muammolarini faqat quruq teri va qichishish deb o‘ylashadi aslida esa bu atopik dermatitdir. Quruq teri bilan birga boshqa alomatlar bezovta qilsa yoki boshqa bir qator surunkali kasalliklarga chalingan bo‘lsangiz, terapevt ko‘rigidan o‘ting. Haqiqatan ham, kseroziya va qichishish belgilari bilan yuzaga keladigan kasalliklar mavjud. Masalan, bu keng tarqalgan temir tanqisligi anemiyasi bo‘lishi mumkin.
Shuningdek, so‘rilishning buzilishi (jumladan, surunkali gastrit kasalligi) yoki kuchli diyeta fonida B vitaminlari, xususan, B-12 va foliy kislotasining yetishmasligi mavjud bo‘lib, bu turli xil alomatlarga, xususan, teri quruqligiga olib keladi.
Shu o‘rinda mashhur D vitaminini eslatib o‘tish kerak, uning yetishmasligi teri himoya to‘sig‘ining ishlashiga ham ta’sir qilishi mumkin. Ta’kidlash kerakki, uni qabul qilishni haddan tashqari oshirib yuborish shart emas, chunki bu panatseya emas. Darhaqiqat, uni qabul qilish deyarli har bir kishiga ko‘rsatiladi, ammo adekvat terapevtik (25 (OH) D darajasi 30 ng / ml dan ortiq) yoki parvarishlash dozalarida. 10 ming IU dan uzoq muddat foydalanish buyrak toshlari va qondagi toksik konsentratsiyaning turli xil asoratlari ehtimolidan boshqa hech narsa bermaydi.
Terapevtik amaliyotda keksa odamlar va diabetga chalingan bemorlarda quruq teri ham keng tarqalgan. Ko‘pincha uning yechimiga har tomonlama yondashish kerak: terapiyani tuzatish, turmush tarzi, qo‘shimcha diagnostika kabi. Ushbu muammoni hal qilish ba’zan shifokor uchun ham ahamiyatsiz vazifaga aylanadi va vitaminlar ikkinchi darajaga tushadi.
Izoh (0)