Қуруқ тери ёки ксерозия — беморларнинг умумий шикояти сифатида тавсифланади. Бу муаммони ҳал қиладиган витамин етарли эмаслигидан далолат, деб ёзади Wday нашри.
Даво чораларини бошлаш учун дастлаб атроф-муҳит ва диетадаги озиқ-овқатлар хилма-хиллигига қаранг. Қуруқлик тери гидролипид мантиясининг шаклланиши ва ҳимоя хусусиятларининг бузилиши билан боғлиқ ва кўпинча ўзимиз бу жараённинг айбдорига айланамиз. Эътибор қилинг, агар ҳар куни терини душ гели ва “молочко” билан ювсангиз, кейин уни сочиқ билан арцангиз, терига мос бўлмаган крем сурцангиз, яшаш хонангизда ҳаво қуруқ бўлса, чексангиз ёки диетангиз “Гарвард ликопчаси”га мос келмаса — демак, қуруқ тери ҳолатини қайта кўриб чиқишнинг аллақачон вақти келди.
Агар тери қуруқлигининг аниқ сабаблари бўлмаса ва терининг қуриши ёки қичиши ягона шикоят бўлса, унда дерматолог қабулида бўлишингиз зарур. Бундан ташқари, агар тортишиш ва қичишиш ҳисси билан бир қаторда, тошмалар, кучли қичишиш элементлари бўлса, у ҳолда шошилиш керак. Кўпинча беморлар муаммоларини фақат қуруқ тери ва қичишиш деб ўйлашади аслида эса бу атопик дерматитдир. Қуруқ тери билан бирга бошқа аломатлар безовта қилса ёки бошқа бир қатор сурункали касалликларга чалинган бўлсангиз, терапевт кўригидан ўтинг. Ҳақиқатан ҳам, ксерозия ва қичишиш белгилари билан юзага келадиган касалликлар мавжуд. Масалан, бу кенг тарқалган темир танқислиги анемияси бўлиши мумкин.
Шунингдек, сўрилишнинг бузилиши (жумладан, сурункали гастрит касаллиги) ёки кучли диета фонида B витаминлари, хусусан, B-12 ва фолий кислотасининг етишмаслиги мавжуд бўлиб, бу турли хил аломатларга, хусусан, тери қуруқлигига олиб келади.
Шу ўринда машҳур D витаминини эслатиб ўтиш керак, унинг етишмаслиги тери ҳимоя тўсиғининг ишлашига ҳам таъсир қилиши мумкин. Таъкидлаш керакки, уни қабул қилишни ҳаддан ташқари ошириб юбориш шарт эмас, чунки бу панацея эмас. Дарҳақиқат, уни қабул қилиш деярли ҳар бир кишига кўрсатилади, аммо адекват терапевтик (25 (OH) D даражаси 30 нг / мл дан ортиқ) ёки парваришлаш дозаларида. 10 минг ИУ дан узоқ муддат фойдаланиш буйрак тошлари ва қондаги токсик концентрациянинг турли хил асоратлари эҳтимолидан бошқа ҳеч нарса бермайди.
Терапевтик амалиётда кекса одамлар ва диабетга чалинган беморларда қуруқ тери ҳам кенг тарқалган. Кўпинча унинг ечимига ҳар томонлама ёндашиш керак: терапияни тузатиш, турмуш тарзи, қўшимча диагностика каби. Ушбу муаммони ҳал қилиш баъзан шифокор учун ҳам аҳамиятсиз вазифага айланади ва витаминлар иккинчи даражага тушади.
Изоҳ (0)