O‘zLiDePdan prezidentlikka nomzod samarqandlik saylovchilar bilan uchrashuvda nogironligi bor shaxslar uchun “To‘siqsiz turizm” dasturi ishlab chiqilishini aytdi.
Bunda:
- har bir viloyatdan yiliga 1 ming nafardan nogironligi bo‘lgan shaxslarning Samarqand, Buxoro va Xivaga bepul sayohatlari tashkil qilinadi;
- kelgusi ikki yilda 200 ta madaniy meros va 100 ta konsert-tomosha ob’yektlari, aeroport, avto va temir yo‘l vokzallarida zarur infratuzilma yaratiladi.
“Bu dasturni amalga oshirish uchun har yili 200 milliard so‘m ajratamiz. Umuman, turizm loyihalariga 2030-yilga qadar 2,5 milliard dollar investisiyalar yo‘naltiriladi”, – dedi nomzod.
Shavkat Mirziyoyev avtomobil, havo va temir yo‘l transporti tarmog‘i yanada kengaytirilishini ta’kidladi.
“Raqamlarga e’tibor qiling. 2016-yilga qadar 25 yil ichida O‘zbekiston 25 ta samolyot olib kelgan. Birgina monopol aviakompaniyamiz bor edi. So‘nggi yillarda 19 ta zamonaviy samolyot olib kelindi, 5 ta xususiy aviakompaniya ish boshladi. Natijada, shu yilning o‘zida avia-tashuvlar soni 2 barobarga ko‘paydi.
Kelgusi 7 yilda yana 56 ta zamonaviy samolyot olib kelamiz va avia-parkimizni 100 taga yetkazamiz. Aviaqatnovlar soni 4 barobar oshiriladi, xalqaro parvozlar yo‘nalishlari 5 karra ko‘paytiriladi”, — dedi nomzod.
Buning uchun:
- hududlardagi 6 ta yirik aeroport xususiy sherikchilik asosida yangilanadi;
- “Ochiq osmon” rejimi barcha aeroportlarda joriy qilinadi.
Izoh (0)