ЎзЛиДеПдан президентликка номзод самарқандлик сайловчилар билан учрашувда ногиронлиги бор шахслар учун “Тўсиқсиз туризм” дастури ишлаб чиқилишини айтди.
Бунда:
- ҳар бир вилоятдан йилига 1 минг нафардан ногиронлиги бўлган шахсларнинг Самарқанд, Бухоро ва Хивага бепул саёҳатлари ташкил қилинади;
- келгуси икки йилда 200 та маданий мерос ва 100 та концерт-томоша объектлари, аэропорт, авто ва темир йўл вокзалларида зарур инфратузилма яратилади.
“Бу дастурни амалга ошириш учун ҳар йили 200 миллиард сўм ажратамиз. Умуман, туризм лойиҳаларига 2030 йилга қадар 2,5 миллиард доллар инвестисиялар йўналтирилади”, – деди номзод.
Шавкат Мирзиёев автомобиль, ҳаво ва темир йўл транспорти тармоғи янада кенгайтирилишини таъкидлади.
“Рақамларга эътибор қилинг. 2016 йилга қадар 25 йил ичида Ўзбекистон 25 та самолёт олиб келган. Биргина монопол авиакомпаниямиз бор эди. Сўнгги йилларда 19 та замонавий самолёт олиб келинди, 5 та хусусий авиакомпания иш бошлади. Натижада, шу йилнинг ўзида авиа-ташувлар сони 2 баробарга кўпайди.
Келгуси 7 йилда яна 56 та замонавий самолёт олиб келамиз ва авиа-паркимизни 100 тага етказамиз. Авиақатновлар сони 4 баробар оширилади, халқаро парвозлар йўналишлари 5 карра кўпайтирилади”, — деди номзод.
Бунинг учун:
- ҳудудлардаги 6 та йирик аэропорт хусусий шерикчилик асосида янгиланади;
- “Очиқ осмон” режими барча аэропортларда жорий қилинади.
Изоҳ (0)