Yevropa Ittifoqi davlatlari tashqi ishlar vazirlari Yevropa tinchlik fondi jamg‘armasini 3,5 milliard yevroga oshirishni ma’qulladi.
Ushbu fonddan Bryussel Ukrainaga qurol yetkazib berish uchun mablag‘ ajratadi. Ushbu qaror jamg‘armaning “moliyaviy barqarorligini ta’minlash”ga qaratilgan.
“Bugungi qaror bizga hamkorlarimizning qurolli kuchlariga aniq harbiy yordam ko‘rsatishni davom ettirish uchun mablag‘ ajratilishini ta’minlaydi. Fond 2021-yilda tashkil etilganidan buyon ikkinchi marta jamg‘armasi oshirilmoqda.
Ikki yildan kamroq vaqt ichida fond o‘z samaradorligini isbotladi. Mudofaa bo‘yicha hamkorlarimizni qo‘llab-quvvatlash butunlay o‘zgardi. Bu Yevropa ittifoqi va uning hamkorlarini yanada kuchli qiladi”, — dedi Yevropa diplomatiyasi rahbari Josep Borrel.
Aprel oyida Yevropa kengashi Ukrainaga Tinchlik fondi orqali 1 milliard yevrolik o‘q-dori yetkazib berish rejasini ma’qullagan edi. May oyida YI Ukraina Qurolli kuchlari artilleriyasi uchun snaryadlar ishlab chiqarishni ko‘paytirish rejasini taqdim etdi, buning uchun 1,5 milliard yevro sarflanishi ma’lum qilindi.
Izoh (0)