Toshkent hayvonot bog‘ida pantera bolaladi. Bu haqda hayvonot bog‘i matbuot xizmati “Daryo”ga maʼlum qildi.
Aytilishicha, Wildlife Care boshqaruv kompaniyasi ko‘magida Toshkent hayvonot bog‘iga Tayfun laqabli nar pantera va uning tengdoshi Bagira laqabli urg‘ochi pantera olib kelingan.
“Bog‘imizda 2-may kuni 4 yoshli nar Tayfun va uning tengdoshi urg‘ochi Bagira o‘rtasida urg‘ochi pantera tug‘ildi. Yosh pantera 500 gramm vazn bilan tug‘ilgan, hozir uning vazni 1 kg 800 gramm. Mitti panterani endi jamoatchilikka ko‘rsatyapmiz”, — dedi bog‘ masʼul xodimi.
Uning qo‘shimcha qilishicha, mittivoy ona suti bilan oziqlanadi va u o‘zini yaxshi his qilyapti.
“Bola panteraga nom qo‘yganimiz yo‘q. Biz yangi tug‘ilgan hayvonlarga nom tanlash uchun jamoatchilik muhokamasiga qo‘ymiz va eng yaxshsini tanlab olamiz. Urg‘ochi panteraga yaqin kunlarda nom tanlashni eʼlon qilamiz”, — dedi bog‘ maʼmuri.
Maʼlumot uchun, xalqaro qonunlarga muvofiq boqish va ko‘paytirish maqsadida bir juft pantera 35-40 ming dollarga Toshkent hayvonot bog‘iga olib kelingan.
Izoh (0)