Surxondaryo viloyati Uzun tumanida 81 ta kavrak kesilishi oqibatida o‘simlik dunyosiga 40 million 95 ming so‘m zarar yetkazildi. Bu haqda Ekologiya, atrof-muhitni muhofaza qilish va iqlim o‘zgarishi vazirligi axborot xizmati xabar berdi.
Unga ko‘ra, Ekologiya vazirligi tomonidan tuzilgan ishchi guruh Surxondaryo viloyati, Uzun tumanidagi “Bobotog‘” SIU hududida o‘rganish ishlarini olib bordi. “Uzun Oq Machit Agro” MCHJ qo‘shma korxonasiga biriktirilgan tog‘ va tog‘ oldi hududlaridagi o‘rganishlar natijasida tabiiy holda o‘suvchi tojik kavragi o‘simligining 2421 tasi dimlangani, kartonlangani, 81 tasi esa shirasini olish maqsadida kesilgani ma‘lum bo‘ldi.
Bu xatti-harakat “O‘simlik dunyosini muhofaza qilish va undan foydalanish to‘g‘risida”gi qonunning 36-moddasi talabini buzish hisoblanadi. Huquqbuzar tomonidan o‘simlik dunyosiga 40 million 95 ming so‘m miqdorida zarar yetkazilgani aniqlandi. Holat yuzasidan MCHJga nisbatan MJtKning 81-moddasi 1-qismi bilan ma‘muriy ish qo‘zg‘atildi.
Tezkor nazorat tadbirlari 2023-yil 1-sentabrgacha davom etadi.
Izoh (0)