Oyoqlardagi og‘riqlar chanoqdan tovongacha bo‘lgan sohadagi har qanday noqulaylikni aks ettiradi. Og‘riq intensivligida farq bo‘lib, doimiy yoki vaqti-vaqti bilan takrorlanadi yoki uzoq vaqt oldin paydo bo‘lgan bo‘lishi ham mumkin. U faqatgina kichik hudud bilan cheklanadi yoki butun oyoqqa ta’sir qiladi. Og‘riq kesuvchan, yonuvchan, sanchiqli yoki uyquchanlik bilan tavsiflanadi. Ba’zan umurtqa pog‘onasiga tarqaladi.
Tibbiy yordamga qachon murojaat qilish kerak?
Quyidagi holatlarda darhol tez yordam chaqiring:
- Og‘riq yurishga yoki tana vaznini oyoqqa tashlagashga imkon bermaydi;
- Oyoqda ochiq yara bo‘lsa;
- Oyoqning ko‘p qismi qizarsa va issiq bo‘lsa;
- Shikastlanish vaqtida baland ovozdagi chirt etgan yoki g‘ichirlagan tovush eshitgan bo‘lsangsiz;
- Oyoq g‘ayrioddiy rangpar va sovuq bo‘lsa;
- Oyoqlar shishib, nafas olish muammolari kuzatilsa.
Iloji boricha tezroq shifokorga murojaat qiling:
- Ba’zi joylarda shish, qizarish, haroratning keskin ko‘tarilishi kabi infeksiyaning boshqa belgilari mavjud bo‘lsa;
- Og‘riq zaiflashmaydi, faqat kuchaysa;
- Uzoq vaqt o‘tirgandan keyin oyoqning pastlari og‘riganda. Masalan, avtobusda yoki samalyot o‘tkazilgan uzoq safardan keyin;
- Oyoq og‘rig‘i hech qanday sababsiz to‘satdan paydo bo‘lsa.
Shifokor qabuliga yoziling:
- Og‘riq yurish paytida yoki undan keyin doimiy ravishda paydo bo‘lsa;
- Oyoqlar tez-tez shishsa;
- Oyoqda kengaygan tomirlar paydo bo‘lib, ularga teginish noqulaylik tug‘dirganda.
Nima uchun oyoq og‘riydi?
Buning sabablari juda ko‘p bo‘lishi mumkin. Quyida eng keng tarqalgan sabablar keltiriladi.
Tutqanoq
Tutqanoq mushaklarning spazmini keltirib chiqaradi. Bu odatda:
- Suvsizlanish tufayli;
- Qonda kalsiy, kaliy, natriy va magniy ionlarining yetishmasligi, masalan, kuchli qusishdan keyin;
- Mushaklarning zo‘riqishi va ortiqcha yuk sababidan hosil bo‘ladi.
Jarohatlar
Oyoq jarohatlari ko‘karish, cho‘zilish, chiqish va oyoq sinishiga olib keladi.
Chuqur tomir trombozi
Qon ivishi tomirni to‘sib qo‘yadi, bu og‘riqni chaqiradi. Tromboz, ayniqsa, uzoq vaqt yotoqda dam olish, operatsiyalar yoki uzoq parvozlardan keyin paydo bo‘lishi odatiy holdir.
Teri osti tomirlarining varikozi
Varikoz tomirlarini ko‘z bilan ko‘rish mumkin. Oyoqlarda ko‘k rangli, tugunli burmalangan tomirlar paydo bo‘ladi. Og‘riqdan tashqari varikoz tomirlari shish, terining qorayishi va qichishish bilan birga kuzatilishi mumkin.
Periferik arteriya kasalliklari
Arteriya kasallik vaqti-vaqti bilan oqsoqlanish bilan tavsiflanadi. Bu yurish va boshqa jismoniy mashqlar paytida kuchli og‘riq tufayli yuzaga keladi.
Infeksiya
Infeksiya terida, yumshoq to‘qimalarda yoki to‘g‘ridan-to‘g‘ri suyakda bo‘lishi mumkin. Ikkinchi holda, u osteomiyelit deb ataladi.
Bo‘g‘im kasalliklari
Bo‘gim yengil shikastlanishi, shuningdek, unda bursit kabi o‘tkir yallig‘lanish rivojlanishi mumkin. Bundan tashqari, bo‘g‘imlar degenerativ o‘zgarishlar — yurish paytida og‘riq va qattiqlik paydo bo‘lishiga moyildir.
Nervlarning shikastlanishi
Odatda nervlar diabet tufayli shikastlanadi, shuningdek, chekish va spirtli ichimliklarni iste’mol qilish kabi zararli odatlar ham salbiy ta’sir ko‘rsatadi.
Bo‘y o‘sishdagi og‘riq
Intensiv o‘sish davrida bolalarda ko‘pincha oyoqlarda og‘riq va yonish hissi paydo bo‘ladi. Ular, ayniqsa, tunda seziladi.
O‘simta
Saraton o‘smalari ko‘pincha og‘riq bilan namoyon bo‘ladi. Shuningdek, og‘riq patologik sinishlarning natijasi bo‘lib, suyak ingichkalashadi va ozgina ta’sir qilinganda ham shikastlanadi.
Intervertebral disk siljishi
Intervertebral diskning noto‘g‘ri joylashishi oyoqqa o‘tadigan siyatik asabni siqib chiqarishi mumkin. Muammo umurtqa pog‘onasida bo‘lsa-da, bu holda oyoq og‘riydi.
Pertes kasalligi (Legg‑Calve‑Perthes)
Pertes kasalligi — bu tos suyagining nekrozi bo‘lib, odatda, kasallik 5-10 yoshda bola og‘riqdan shikoyat qilib, oqsoqlana boshlaganda paydo bo‘ladi.
Oyoq og‘riyotgan paytda nima qilish kerak?
Og‘riqni davolash sababga bog‘liq bo‘ladi. Uy sharoitida o‘zingiz qilishingiz mumkin bo‘lgan narsalar mavjud.
Dam oling
Faqat oyoqlaringizni dam oldiring. Ba’zida og‘riq odatdagi charchoqdan kelib chiqadi.
Oyog‘ingizni yuqoriga ko‘taring
Iloji bo‘lsa beldan biroz balandroq tuting. Bu holat shishishni kamaytiradi va mushaklarni bo‘shashtiradi.
Sovuq kompress qiling
Sochiq bilan o‘ralgan muzni zararlangan joyga qo‘llang. Shamollashning oldini olish uchun bunday kompressni 15-20 daqiqadan ko‘proq ushlab turing. Agar kerak bo‘lsa, muolajani kun davomida takrorlashingiz mumkin.
Retseptsiz og‘riq qoldiruvchi vositani qabul qiling
Ibuprofen, paratsetamol yoki boshqa og‘riq qoldiruvchi preparat iching.
Massaj qiling
Massaj og‘riq tutqanoqdan yoki jismoniy mashqlar — uzoq yurish yoki yugurishdan keyin kelib chiqqan og‘riq holatlarida yordam beradi.
Siqib bog‘lang
Bu, ayniqsa, cho‘zilish va tutqanoq holatlarida yordam beradi. Oyog‘ingizni elastik bandaj bilan o‘rab oling, lekin bog‘lam juda qattiq bo‘lmasin.
Izoh (0)