Оёқлардаги оғриқлар чаноқдан товонгача бўлган соҳадаги ҳар қандай ноқулайликни акс эттиради. Оғриқ интенсивлигида фарқ бўлиб, доимий ёки вақти-вақти билан такрорланади ёки узоқ вақт олдин пайдо бўлган бўлиши ҳам мумкин. У фақатгина кичик ҳудуд билан чекланади ёки бутун оёққа таъсир қилади. Оғриқ кесувчан, ёнувчан, санчиқли ёки уйқучанлик билан тавсифланади. Баъзан умуртқа поғонасига тарқалади.
Тиббий ёрдамга қачон мурожаат қилиш керак?
Қуйидаги ҳолатларда дарҳол тез ёрдам чақиринг:
- Оғриқ юришга ёки тана вазнини оёққа ташлагашга имкон бермайди;
- Оёқда очиқ яра бўлса;
- Оёқнинг кўп қисми қизарса ва иссиқ бўлса;
- Шикастланиш вақтида баланд овоздаги чирт этган ёки ғичирлаган товуш эшитган бўлсангсиз;
- Оёқ ғайриоддий рангпар ва совуқ бўлса;
- Оёқлар шишиб, нафас олиш муаммолари кузатилса.
Иложи борича тезроқ шифокорга мурожаат қилинг:
- Баъзи жойларда шиш, қизариш, ҳароратнинг кескин кўтарилиши каби инфекциянинг бошқа белгилари мавжуд бўлса;
- Оғриқ заифлашмайди, фақат кучайса;
- Узоқ вақт ўтиргандан кейин оёқнинг пастлари оғриганда. Масалан, автобусда ёки самалёт ўтказилган узоқ сафардан кейин;
- Оёқ оғриғи ҳеч қандай сабабсиз тўсатдан пайдо бўлса.
Шифокор қабулига ёзилинг:
- Оғриқ юриш пайтида ёки ундан кейин доимий равишда пайдо бўлса;
- Оёқлар тез-тез шишса;
- Оёқда кенгайган томирлар пайдо бўлиб, уларга тегиниш ноқулайлик туғдирганда.
Нима учун оёқ оғрийди?
Бунинг сабаблари жуда кўп бўлиши мумкин. Қуйида энг кенг тарқалган сабаблар келтирилади.
Тутқаноқ
Тутқаноқ мушакларнинг спазмини келтириб чиқаради. Бу одатда:
- Сувсизланиш туфайли;
- Қонда калсий, калий, натрий ва магний ионларининг етишмаслиги, масалан, кучли қусишдан кейин;
- Мушакларнинг зўриқиши ва ортиқча юк сабабидан ҳосил бўлади.
Жароҳатлар
Оёқ жароҳатлари кўкариш, чўзилиш, чиқиш ва оёқ синишига олиб келади.
Чуқур томир тромбози
Қон ивиши томирни тўсиб қўяди, бу оғриқни чақиради. Тромбоз, айниқса, узоқ вақт ётоқда дам олиш, операциялар ёки узоқ парвозлардан кейин пайдо бўлиши одатий ҳолдир.
Тери ости томирларининг варикози
Варикоз томирларини кўз билан кўриш мумкин. Оёқларда кўк рангли, тугунли бурмаланган томирлар пайдо бўлади. Оғриқдан ташқари варикоз томирлари шиш, терининг қорайиши ва қичишиш билан бирга кузатилиши мумкин.
Периферик артерия касалликлари
Артерия касаллик вақти-вақти билан оқсоқланиш билан тавсифланади. Бу юриш ва бошқа жисмоний машқлар пайтида кучли оғриқ туфайли юзага келади.
Инфекция
Инфекция терида, юмшоқ тўқималарда ёки тўғридан-тўғри суякда бўлиши мумкин. Иккинчи ҳолда, у остеомиелит деб аталади.
Бўғим касалликлари
Бўгим енгил шикастланиши, шунингдек, унда бурсит каби ўткир яллиғланиш ривожланиши мумкин. Бундан ташқари, бўғимлар дегенератив ўзгаришлар — юриш пайтида оғриқ ва қаттиқлик пайдо бўлишига мойилдир.
Нервларнинг шикастланиши
Одатда нервлар диабет туфайли шикастланади, шунингдек, чекиш ва спиртли ичимликларни истеъмол қилиш каби зарарли одатлар ҳам салбий таъсир кўрсатади.
Бўй ўсишдаги оғриқ
Интенсив ўсиш даврида болаларда кўпинча оёқларда оғриқ ва ёниш ҳисси пайдо бўлади. Улар, айниқса, тунда сезилади.
Ўсимта
Саратон ўсмалари кўпинча оғриқ билан намоён бўлади. Шунингдек, оғриқ патологик синишларнинг натижаси бўлиб, суяк ингичкалашади ва озгина таъсир қилинганда ҳам шикастланади.
Интервертебрал диск силжиши
Интервертебрал дискнинг нотўғри жойлашиши оёққа ўтадиган сиятик асабни сиқиб чиқариши мумкин. Муаммо умуртқа поғонасида бўлса-да, бу ҳолда оёқ оғрийди.
Пертес касаллиги (Legg‑Calve‑Perthes)
Пертес касаллиги — бу тос суягининг некрози бўлиб, одатда, касаллик 5-10 ёшда бола оғриқдан шикоят қилиб, оқсоқлана бошлаганда пайдо бўлади.
Оёқ оғриётган пайтда нима қилиш керак?
Оғриқни даволаш сабабга боғлиқ бўлади. Уй шароитида ўзингиз қилишингиз мумкин бўлган нарсалар мавжуд.
Дам олинг
Фақат оёқларингизни дам олдиринг. Баъзида оғриқ одатдаги чарчоқдан келиб чиқади.
Оёғингизни юқорига кўтаринг
Иложи бўлса белдан бир оз баландроқ тутинг. Бу ҳолат шишишни камайтиради ва мушакларни бўшаштиради.
Совуқ компресс қилинг
Сочиқ билан ўралган музни зарарланган жойга қўлланг. Шамоллашнинг олдини олиш учун бундай компрессни 15-20 дақиқадан кўпроқ ушлаб туринг. Агар керак бўлса, муолажани кун давомида такрорлашингиз мумкин.
Рецептсиз оғриқ қолдирувчи воситани қабул қилинг
Ибупрофен, парацетамол ёки бошқа оғриқ қолдирувчи препарат ичинг.
Массаж қилинг
Массаж оғриқ тутқаноқдан ёки жисмоний машқлар — узоқ юриш ёки югуришдан кейин келиб чиққан оғриқ ҳолатларида ёрдам беради.
Сиқиб боғланг
Бу, айниқса, чўзилиш ва тутқаноқ ҳолатларида ёрдам беради. Оёғингизни эластик бандаж билан ўраб олинг, лекин боғлам жуда қаттиқ бўлмасин.
Изоҳ (0)