Xitoy NATOning raqibi emas, biroq ittifoqchilar Xitoyga bir qator sohalarda, jumladan, muhim xom ashyo yetkazib berishda qaram bo‘lishiga yo‘l qo‘ymasliklari kerak, dedi NATO bosh kotibi Yens Stoltenberg Tagesspiegel nashriga bergan intervyusida.
“Xitoyni iqtisodiy jihatdan ajratib qo‘yish yoki izolyatsiya qilish haqida gap ketayotgani yo‘q. Xitoy bizning dushmanimiz emas, biz yaqindan fikr almashishimiz va savdo-sotiqni davom ettirishimiz kerak. Men faqat xom-ashyo ta’minoti kabi muayyan sohalarda Xitoyga qaramlikdan ehtiyot bo‘lishga chaqiryapman”, — deydi Stoltenberg Germaniya kansleri Olaf Sholsning Xitoy bosh vaziri Li Tsyan bilan so‘nggi muzokaralarini izohlar ekan.
O‘tgan yili G‘arbning Xitoy bilan munosabatlari Tayvan atrofida kuchayib borayotgan keskinlik va Ukrainadagi harbiy operatsiya munosabati bilan yomonlashdi.
May oyida Xitoy Tashqi ishlar vazirligi vakili Van Venbin NATOning Yaponiyada vakolatxonani ochish rejalaridan xavotir bildirgandi. U alyans Osiyo-Tinch okeani mintaqasi davlatlari ishlariga aralashayotganini ta’kidladi.
Avvalroq Van Venbin 1999-yilda NATO tomonidan Xitoyning Belgraddagi elchixonasi bombardimon qilinganini Xitoy xalqi hech qachon unutmasligini aytib o‘tgandi.
Izoh (0)