Lahm go‘sht, selderey: Kris Xemsvort filmlarda mushtlashish va urish sahnalarining ovozlashtirilishi haqida (video)

Avstraliyalik aktyor, Marvel kino yulduzi Kris Xemsvort muxlislarga filmlarni suratga olish jarayonidagi ayrim aktyorlik sirlarini ko‘rsatdi.

Aktyor “Tayler Reyk: Qutqaruv operatsiyasi” filmiga bag‘ishlangan reklama roligida singan suyaklar va boshqa ayrim jarayonlarning tovushi qanday yaratilishini ko‘rsatdi.

Videoda Kris stolga o‘tiradi va qo‘liga lahm go‘sht bo‘laklarini olib, mushtlaydi. Aktyor tomoshabinlarga filmlardagi mushtlashish tovushi qanday hosil qilinishi haqida gapirib bergan.

Xemsvort seldereyni oladi va uni sindira boshlaydi, bu tovush suyaklarning sinishini eslatishini aytadi. Shuningdek, aktyor g‘ilofdan pichoqni chiqarib, qovunni kesadi. Krisning so‘zlariga ko‘ra, blokbasterlardagi pichoq bilan jarohatlash sahnalarini suratga olishda shu tovushdan foydalaniladi.