Лаҳм гўшт, селдерей: Крис Хемсворт фильмларда муштлашиш ва уриш саҳналарининг овозлаштирилиши ҳақида (видео)

Австралиялик актёр, Marvel кино юлдузи Крис Хемсворт мухлисларга фильмларни суратга олиш жараёнидаги айрим актёрлик сирларини кўрсатди.

Актёр “Тайлер Рейк: Қутқарув операцияси” фильмига бағишланган реклама ролигида синган суяклар ва бошқа айрим жараёнларнинг товуши қандай яратилишини кўрсатди.

Видеода Крис столга ўтиради ва қўлига лаҳм гўшт бўлакларини олиб, муштлайди. Актёр томошабинларга фильмлардаги муштлашиш товуши қандай ҳосил қилиниши ҳақида гапириб берган.

Хемсворт селдерейни олади ва уни синдира бошлайди, бу товуш суякларнинг синишини эслатишини айтади. Шунингдек, актёр ғилофдан пичоқни чиқариб, қовунни кесади. Криснинг сўзларига кўра, блокбастерлардаги пичоқ билан жароҳатлаш саҳналарини суратга олишда шу товушдан фойдаланилади.