Toshkentdagi Eron innovatsiyalar va texnologiyalar uyining rasmiy ochilish marosimi bo‘ldi. Bu haqda Oliy ta‘lim, fan va innovatsiyalar vazirligi axborot xizmati xabar berdi.
Unga ko‘ra, 18-iyun kuni Shavkat Mirziyoyevning Eronga rasmiy rasmiy tashrifi doirasida “Toshkentdagi Eron innovatsiyalar va texnologiyalar uyi” (Iran House of innovation and technology in Tashkent — IHITT)ning rasmiy ochilish marosimi bo‘lib o‘tdi. Unda Tehrondan onlayn tarzda Eron prezidentining Fan va texnologiyalar bo‘yicha o‘rinbosari (vitse-prezidenti) Ruhulloh Dehgani Firuzabodiy hamda Oliy taʼlim, fan va innovatsiyalar vaziri Ibrohim Abdurahmonov ishtirok etib, ikki davlat o‘rtasida ilm-fan, innovatsiyalar va taʼlim sohasida aloqalarni yanada mustahkamlash borasida o‘z fikrlarini aytib o‘tdi.
Eron innovatsiyalar va texnologiyalar uyning ochishda bevosita Toshkentda Oliy taʼlim, fan va innovatsiyalar vaziri birinchi o‘rinbosari Komiljon Karimov, Innovatsion uy rahbarlari Faxrulla Lutfiyev va Rasul Beheshtigar ishtirok etdi. Tadbirda davlat idoralari, diplomatik korpus vakillari, mutasaddilar, biznes doirasi, OTMlar rektorlari hamda OAV vakillari ishtirok etdi.
Toshkentdagi Eron innovatsiyalar va texnologiyalar uyi ilmiy asoslangan yangi texnologiyalarni O‘zbekistonga olib kirish jarayonini osonlashtirish uchun ishlab chiqilgan xalqaro dasturning bir qismi hisoblanib, Eron kompaniyalarining innovatsion texnologiyalari, mahsulotlari va xizmatlarining doimiy ko‘rgazmasini tashkil etish bilan shug‘ullanadi.
U bilim almashinuvi, texnologiyalar transferi, innovatsiyalar ekotizimini rivojlantirish va Eron hamda O‘zbekiston o‘rtasidagi ikki tomonlama munosabatlar uchun platforma yaratish maqsadida tashkil etildi. Shuningdek, u fan va texnologiyalar sohasidagi hamkorlik orqali ikki mamlakatning iqtisodiy o‘sishi, ijtimoiy farovonligi va barqaror rivojlanishiga hissa qo‘shishga intiladi.
Izoh (0)