O‘zbekistonga 20-iyun kuni Kavkaz hududlaridan nisbatan biroz salqin havo kirib kelishi hisobiga ushbu haftada issiq biroz pasayishi kutilmoqda.
“O‘zgidromet” prognoziga ko‘ra, havo harorati ish haftasining oxirigacha 33-38 daraja atrofida bo‘ladi. Respublikaning eng chekka janubida issiq havo massasining taʼsiri saqlanib turadi. Harorat asosan 39-41 daraja, Surxondaryo viloyatida hafta o‘rtasiga kelib, baʼzi joylarda 42-44 darajagacha issiq bo‘ladi.
20-iyunda Farg‘ona vodiysida, shuningdek, kechasi va ertalab Toshkent viloyatida baʼzi joylarda qisqa muddatli yomg‘ir yog‘ishi, momaqaldiroq bo‘lishi mumkin.
Haftaning birinchi yarmida ob-havoning beqarorligi respublikaning tog‘ oldi va tog‘li hududlarida saqlanib turadi — baʼzi joylarda qisqa muddatli momaqaldiroqli yomg‘irlar yog‘adi. 19-iyun, kunning ikkinchi yarmida va 20-iyun kuni baʼzi joylarda yomg‘ir kuchli yog‘adi, do‘l yog‘ishi ehtimoli bor.
19—20-iyun kunlari respublika bo‘yicha baʼzi joylarda, 23-iyunda janubda va cho‘l hududlarda shamolning kuchayishi, ayrim joylarda chang-to‘zon bilan kuzatilishi kutilmoqda.
Toshkentda havo biroz bulutli bo‘ladi, vaqti-vaqti bilan o‘zgarib turadi, yog‘ingarchilik kutilmaydi, faqat kechasi va ertalab 20-iyunda qisqa muddatli yomg‘ir yog‘ishi, momaqaldiroq bo‘lishi mumkin. Havo harorati 19-iyunda 38-40 daraja, keyinchalik ish haftasining oxirigacha 35-37 daraja bo‘ladi.
Izoh (0)