“Eron va O‘zbekiston munosabatlarida 21 yil ichida prezident tomonidan Eronga amalga oshirilgan ilk rasmiy tashrif” — Sherzod Asadov

Prezident matbuot kotibi Sherzod Asadov Shavkat Mirziyoyevning Eronga tashrifi yakunlari to‘g‘risida gapirdi. 

Uning so‘zlariga ko‘ra, mazkur tashrif Eron va O‘zbekiston munosabatlarida 21 yil ichida prezident tomonidan Eronga amalga oshirilgan ilk rasmiy tashrif. Tashrif doirasidagi muzokaralarda ikki tomonlama munosabatlarning keng spektri: siyosatdan tortib madaniy gumanitar aloqalargacha muhokama qilindi va yangi istiqbollar belgilandi. 

“Prezidentimizning ushbu rasmiy tashriflari Eron va O‘zbekiston munosabatlarida 21 yil ichida prezident tomonidan Eronga amalga oshirilgan ilk rasmiy tashrifi. Shuni alohida ta‘kidlab o‘tish kerakki, ikki davlat rahbarlari, shuningdek Eron oliy diniy rahbari bilan bo‘lib o‘tgan uchrashuvda ikki tomonlama munosabatlarimizning keng spektri: siyosatdan tortib madaniy gumanitar aloqalargacha muhokama qilindi va yangi istiqbollar belgilandi. 

O‘zbekiston va Eron xalqaro tashkilotlar doirasida chuqur hamkorlikni yo‘lga qo‘ygan. Ikki davlat rahbarlarining siyosiy sohadagi muloqotlari chog‘ida albatta mintaqaviy xavfsizlik masalalari, global tahdidlar va Afg‘onistondagi vaziyat to‘g‘risida ham fikr almashildi. Bu borada yaqin kelajakdagi hamkorligimizning asosiy yo‘nalishlari ham belgilab olindi. 

Iqtisodiy sohani oladigan bo‘lsak, oxirgi 2-3 yilda juda ham katta qadamlar tashlandi. Bu borada albatta ikki davlat ishbilarmon doiralarining ham faolligini ta‘kidlab o‘tish lozim”, — deydi Sherzod Asadov.