Президент матбуот котиби Шерзод Асадов Шавкат Мирзиёевнинг Эронга ташрифи якунлари тўғрисида гапирди.
Унинг сўзларига кўра, мазкур ташриф Эрон ва Ўзбекистон муносабатларида 21 йил ичида президент томонидан Эронга амалга оширилган илк расмий ташриф. Ташриф доирасидаги музокараларда икки томонлама муносабатларнинг кенг спектри: сиёсатдан тортиб маданий гуманитар алоқаларгача муҳокама қилинди ва янги истиқболлар белгиланди.
“Президентимизнинг ушбу расмий ташрифлари Эрон ва Ўзбекистон муносабатларида 21 йил ичида президент томонидан Эронга амалга оширилган илк расмий ташрифи. Шуни алоҳида таъкидлаб ўтиш керакки, икки давлат раҳбарлари, шунингдек Эрон олий диний раҳбари билан бўлиб ўтган учрашувда икки томонлама муносабатларимизнинг кенг спектри: сиёсатдан тортиб маданий гуманитар алоқаларгача муҳокама қилинди ва янги истиқболлар белгиланди.
Ўзбекистон ва Эрон халқаро ташкилотлар доирасида чуқур ҳамкорликни йўлга қўйган. Икки давлат раҳбарларининг сиёсий соҳадаги мулоқотлари чоғида албатта минтақавий хавфсизлик масалалари, глобал таҳдидлар ва Афғонистондаги вазият тўғрисида ҳам фикр алмашилди. Бу борада яқин келажакдаги ҳамкорлигимизнинг асосий йўналишлари ҳам белгилаб олинди.
Иқтисодий соҳани оладиган бўлсак, охирги 2-3 йилда жуда ҳам катта қадамлар ташланди. Бу борада албатта икки давлат ишбилармон доираларининг ҳам фаоллигини таъкидлаб ўтиш лозим”, — дейди Шерзод Асадов.
Изоҳ (0)