Futbol bo‘yicha CAFA Nations Cup—2023 3-turida Eron terma jamoasi 16-iyun, juma kuni Qirg‘izistonga qarshi bahs olib bordi.
Uchrashuv eronliklarning 5:1 hisobidagi g‘alabasi bilan yakunlandi. Eron tarkibida Mehdi Taremi het-trik qayd etgan bo‘lsa, Sardor Azmun dubl muallifiga aylandi. Raqib jamoa tarkibida esa Mirlan Murzayev bitta golni o‘z hisobiga yozdirib qo‘ydi.
Shu tariqa Eron B guruhida g‘oliblikni qo‘lga kiritdi va finalga yo‘l oldi. Hal qiluvchi bahsda forslar A guruhi g‘olibligini muddatidan avval qo‘lga kiritgan O‘zbekiston terma jamoasiga qarshi o‘ynaydi. Uchrashuv 20-iyun kuni 20:30 da start oladi.
CAFA Nations Cup—2023
3-tur bahsi
16-iyun, juma
Qirg‘iziston – Eron 1:5
Gollar: 0:1 — 34 Mehdi Taremi, 0:2 — 39 Mehdi Taremi, 1:2 — 52 Mirlan Murzayev, 1:3 — 56 Mehdi Taremi, 1:4 — 66 Sardor Azmun, 1:5 — 79 Sardor Azmun.
Qirg‘iziston: Kochenkov, Kichin, Brauzman, Murzayev, Abdurahmonov, Mamiraliyev, Aliqulov, Qayrat Jirgalbek o‘g‘i, Atabaev, Jumashev, Shukurov.
Eron: Beyranvand, Rizayan, Puraliganji, Hussayni, Nurafkan, Jahonbaxsh (Azmun, 62) Chashmi, M.Karimi, Torabi, Asadi, Mehdi Taremi.
Izoh (0)