Qirg‘izistonda barcha maoshlarni bank kartalariga o‘tkazish rejalashtirilmoqda

Qirg‘izistonda barcha maoshlarni bank kartalariga o‘tkazish rejalashtirilmoqda. Bu haqda Sputnik xabar berdi.

Vazirlar Mahkamasi va Milliy bank tomonidan 2027-yilgacha naqd pulsiz hisob-kitoblar ulushini oshirish bo‘yicha davlat dasturi ishlab chiqildi. Barcha muassasa, tashkilot va xo‘jalik yurituvchi subyek xodimlarining ish haqini bank to‘lov kartalariga o‘tkazish kutilayotgan natijalardan biridir.

2027-yilda kartalar soni qariyb 6,7 millionga ko‘payishi rejalashtirilgan. 2022-yilgi ma’lumotlarga ko‘ra, mamlakatda ularning soni 5,2 milliondan oshdi. Xuddi shu davrda kartochkalar orqali amalga oshiriladigan operatsiyalar sonini yiliga 128,3 milliondan 163,8 milliongacha oshirish ko‘zlangan.