Қирғизистонда барча маошларни банк карталарига ўтказиш режалаштирилмоқда. Бу ҳақда Sputnik хабар берди.
Вазирлар Маҳкамаси ва Миллий банк томонидан 2027 йилгача нақд пулсиз ҳисоб-китоблар улушини ошириш бўйича давлат дастури ишлаб чиқилди. Барча муассаса, ташкилот ва хўжалик юритувчи субек ходимларининг иш ҳақини банк тўлов карталарига ўтказиш кутилаётган натижалардан биридир.
2027 йилда карталар сони қарийб 6,7 миллионга кўпайиши режалаштирилган. 2022 йилги маълумотларга кўра, мамлакатда уларнинг сони 5,2 миллиондан ошди. Худди шу даврда карточкалар орқали амалга ошириладиган операциялар сонини йилига 128,3 миллиондан 163,8 миллионгача ошириш кўзланган.
Изоҳ (0)