Xitoy tashqi ishlar vaziri Tsin Gan AQSH Davlat kotibi Entoni Blinken bilan telefon orqali muloqoti chog‘ida Vashington va Pekin o‘rtasidagi munosabatlarda yangi qiyinchiliklarga e’tibor qaratdi, shuningdek, AQSHning Xitoy ichki ishlariga aralashuviga yo‘l qo‘yib bo‘lmasligini ta’kidladi. Bu haqda Xitoy Tashqi ishlar vazirligi ma’lum qildi.
“Tsin Gan Xitoyning Tayvan muammosi kabi muhim masalalar bo‘yicha qat’iy pozitsiyasiga oydinlik kiritdi va AQSHni uni hurmat qilishga hamda Xitoyning ichki ishlariga aralashishni bas qilishga chaqirdi”, — deyiladi TIV xabarida.
Xitoy vaziri “Xitoy va AQSH o‘rtasidagi munosabatlarda yangi qiyinchilik va chaqiruvlar yuzaga kelganini” ta’kidladi.
Shu bilan birga, u Pekin har doim ikki tomonlama munosabatlarga o‘zaro hurmat va manfaatli hamkorlik tamoyillari asosida yondashganini qo‘shimcha qildi.
Davlat departamentining bildirishicha, Blinken va Tsin Gan telefon orqali ikki davlat o‘rtasidagi aloqani saqlab qolish muhimligini muhokama qilgan.
Izoh (0)