Misr BRICS’ga qo‘shilish uchun ariza topshirdi. Bu haqda 14-iyun, chorshanba kuni Rossiyaning Qohiradagi elchisi Georgiy Borisenko TASS agentligiga bergan intervyusida ma’lum qildi.
Diplomatning so‘zlariga ko‘ra, ayni paytda birlashma shug‘ullanayotgan tashabbuslardan biri bu savdoni muqobil valyutalarga maksimal darajada o‘tkazish, xoh u milliy valyuta bo‘lsin, xoh qandaydir qo‘shma valyuta — farqi yo‘q.
“Misr BRICS’ga qo‘shilishdan juda manfaatdor”, dedi Borisenko.
Borisenkoning qo‘shimcha qilishicha, Misr boshqa davlatlar, xususan, Rossiya bilan savdo-sotiq va boshqa turdagi iqtisodiy hamkorlikni rivojlantirishga katta xohish bildirmoqda.
BRICS — Braziliya, Rossiya, Hindiston, Xitoy va Janubiy Afrikani o‘z ichiga olgan davlatlararo birlashma. U 2006-yil iyun oyida Braziliya, Rossiya, Hindiston va Xitoy iqtisodiyot vazirlari ishtirokidagi Sankt-Peterburg iqtisodiy forumi doirasida tashkil etilgan. Keyinchalik bu guruhga Janubiy Afrika qo‘shildi.
Izoh (0)